Балгарыя больш не будзе прадаваць грамадзянства замежным багацеем

Балгарыя плануе спыніць дазваляць багатым замежнікам купляць грамадзянства за інвестыцыі.

У аўторак міністэрства юстыцыі краіны заявіла, што гэтая схема не прынесла істотных эканамічных выгод для Балгарыі, паведамляе Reuters.

Пра гэты крок балгарскія ўлады паведамілі на наступны дзень пасля таго, як стала вядома, што Еўракамісія плануе перасцерагчы дзяржавы-сябры ад продажу грамадзянства. Брусэль мяркуе, што такія схемы могуць дапамагчы замежным арганізаваным злачынным групам пракрасціся ў ЕЗ і павысіць рызыкі адмывання грошай, карупцыі і ўхілення ад выплаты падаткаў.

Балгарыя з'яўляецца адной з трох краін ЕЗ, разам з Кіпрам і Мальтай, якія цяпер падаюцца грамадзянства за кошт інвестыцый. Дваццаць краін-сябраў, уключаючы гэтыя тры, таксама прадаюць права на жыхарства.

У Балгарыі замежнікі могуць атрымаць пашпарт, які адкрывае дзверы ў большасць краін ЕЗ, за інвестыцыі ад 1 млн леваў ($580 922) да 2 млн леваў. Інвестыцыі таксама могуць быць зробленыя ў дзяржаўныя аблігацыі.

«Звесткі паказваюць, што мэта павелічэння рэальных замежных інвестыцый і эканамічнага развіцця не была дасягнутая. У выніку новыя працоўныя месцы не былі створаныя, а эканамічны рост не быў паскораны», - заявілі ў міністэрстве.

Як паведамлялася, Еўрапейская камісія ў сераду апублікуе справаздачу, у якой папярэдзіць, што схемы продажу грамадзянства або пражывання ў краінах ЕЗ заможным людзям могуць выкарыстоўваць замежныя арганізаваныя злачынныя группоўкі.