ПАРЕ пераабрала прэзідэнта

Ім стала дэпутат ад Швэйцарыі.

На адкрыцці сваёй зімовай пленарнай сесіі сёння Парламенцкая Асамблея Рады Еўропы (ПАРЕ) пераабрала прэзідэнтам дэпутата ад Швэйцарыі Ліліян Моры Паск'е на другі гадавы тэрмін, распавялі «Зеркало недели» ў прэс-службе органа.

Віцэ-прэзідэнтамі сталі Барыяна Обэрг (Швэцыя), Вернер Амон (Аўстрыя), Уладзімеж Бярнацкі (Польшча), Ружа Б'ёрк Брыньёлфсдацір (Ісландыя), Хендрык Даемс (Бельгія), Сюзанна Эберле-Струб (Ліхтэнштэйн), Сэр Роджэр Гейл (Вялікая Брытанія), Джэма Гразданава (Балгарыя), Акіф Чагатай Кіліч (Турцыя), Кармэн Лейтэ (Гішпанія), Інэсэ Лібіна-Эгнерэ (Латвія), Альвізэ Маньера (Італія), Андрэас Нік (Нямеччына), Джозэф О'Рэйлі (Ірландыя), Саня Пуціца (Харватыя), Элізабэт Шнайдэр-Шнайтэр (Швэйцарыя), Самед Сеідаў (Азербайджан) і Ніколь Трыс (Францыя). Віцэ-прэзідэнты выбіраюцца штогод у пачатку чарговай сесіі і застаюцца на пасадзе да адкрыцця наступнай сесіі.

Нагадваючы пра тое, што «мы не павінны забываць пра вытокі складанай сітуацыі, у якой мы выявіліся, і пра пазіцыю, якую займае Асамблея ў сувязі са значнымі палітычнымі падзеямі, якія выходзяць за рамкі дапушчальнага, паводле міжнароднага права», а таксама пра абавязкі дзяржаў-чальцоў, каб выканаць свае абавязацельствы, у тым ліку фінансавыя, прэзідэнт падкрэсліла, што «цяпер неабходна знайсці шлях наперад, улічваючы гэтыя два важныя моманты».

«Сітуацыя, калі адна дзяржава-чалец - Расейская Федэрацыя - не прадстаўленая ў Асамблеі, але ўдзельнічае ў іншых органах Арганізацыі, з'яўляецца «контрпрадуктыўнай» - калі выкарыстоўваць словы адной з нашых рэзалюцыяў – і «негатыўна ўплывае на [наша] агульнае ўздзеянне» як абаронца правоў чалавека і дэмакратыі на ўсім кантыненце», - цытуе Паск'е прэс-служба ПАРЕ.

«На кон пастаўленая будучыня Арганізацыі, і таму мы абавязаныя знайсці развязанне», - адзначыла прэзідэнт ПАРЕ.

Яна заклікала да палітычнага дыялогу з удзелам чальцоў расейскага парламента, «для абароны сістэмы, заснаванай на Еўрапейскай канвенцыі аб правах чалавека», у інтарэсах усіх еўрапейцаў.