Нікаласу Мадура знайшлі замену
3- 21.01.2019, 16:27
- 15,052
ЗША могуць прызнаць кіраўніка парламента законным лідарам Венесуэлы.
Кіраўнік Нацыянальнай Асамблеі Венесуэлы Хуан Гуайда правёў мітынг у Каракасе ў рамках антыўрадавых акцыяў апазіцыі, якая не прызнае легітымным Нікаласа Мадура, які ўступіў тры тыдні таму на другі прэзідэнцкі тэрмін, піша euronews.com.
«Мы адзіныя. Мы выйшлі на вуліцы. За намі міжнародная супольнасць. Каго яно прызнае ў якасці лідара? Адзіны легітымны інстытут (Нацыянальная асамблея), які гатовы ўзяць на сябе адказнасць ва ўсякі час, вы можаце быць у гэтым упэўненыя», - заявіў з трыбуны падчас мітынгу Гуайда.
Напярэдадні апазіцыйны прэзідэнту кангрэс абвясціў яго узурпатарам, а ЗША і многія краіны Лацінскай Амерыкі назвалі Нацыянальную асамблею адзіным законным інстытутам краіны.
35-гадовы Гуайда ўжо выказаўся пра гатоўнасць узяць на сябе прэзідэнцкія паўнамоцтвы, замяніўшы тым самым Мадура, якога абвінавачваюць у фальсіфікацыі на леташніх выбарах.
Паводле звестак крыніц, ЗША гатовыя прызнаць кіраўніка парламента законным лідарам Венесуэлы.
Hace 60 años la unión de un pueblo llevó a #Venezuela a retomar la democracia que había sido arrebatada por un dictador. Hoy tenemos el mismo deber de esos venezolanos que unieron sus voces. Por ellos #NosVemosEl23 pic.twitter.com/lke6ZMkUO9
— Juan Guaidó (@jguaido) 20 января 2019 г.
