У Расеі загаварылі пра страту Кубані
38- 20.01.2019, 12:29
- 120,363
Расейскія прапагандысты б'юць трывогу.
Расейскія прапагандысты зладзілі паніку праз нібыта падрыхтоўку далучэння Кубані да Украіны, якое, на іх думку, курыруюць ЗША, паведамляе obozrevatel.com.
Гэткую бурную рэакцыю ў рупараў крамля выклікаў артыкул «Радио Свобода» пра тое, як украінцам вяртаюць гістарычную памяць пра іх этнічныя тэрыторыі. Абмеркавання гэтага матэрыялу прапагандысты наладзілі ў эфіры праграмы «60 хвілін» на тэлеканале «Расея 1».
«Пасля зачысткі Данбаса і вяртання Крыма павінна рушыць услед далучэнне расейскай Кубані. Добра, калі б прэтэнзіі тэрытарыяльныя, апетыты на ўкраінскую як бы Кубань агучваліся выключна ў колах украінскіх нацыяналістаў або шалёнымі ўкраінскімі міністрамі, палітыкамі. Да гэтага мы даўным-даўно прывыклі. Але тут за Кубань узяліся амерыканцы, гэта не жарты. Зліўны бачок амерыканскай прапаганды «Радио Свобода» раз-пораз штампуе артыкулы пра кубанскую Украіну - дзяржава, якая існавала старажытных мапах, што публікуюцца аўтарамі гэтых артыкулаў», - занепакоена выказалася скандальная вядоўца праграмы Вольга Скабеева.
Яе падтрымаў прапагандыст Яўген Папоў. З ягоных слоў, пра намеры Украіны вярнуць сабе Кубань сведчыць ініцыятыва па перайменаванні вуліцы Маршала Жукава ў Кіеве ў вуліцу Кубанскай Украіны. «Такім чынам там збіраюцца шанаваць барацьбу за незалежнасць і ўз'яднанне з Украінай украінскай Кубані ў 1917-1921 гадах», - абурыўся рупар Крамля.