Заўтра ў Беларусі чакаецца да -12°С
- 19.01.2019, 11:32
- 7,103
На поўначы краіны снег і слабая мяцеліца.
Снег, парывісты вецер і да 12 градусаў марозу прагназуецца ў Беларусі 20 студзеня.
Пра гэта паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.
У нядзелю будзе воблачна з праясненнямі. Уначы ў асобных раёнах чакаецца невялікі снег, удзень пераважна па поўначы краіны - снег, слабая мяцеліца.
На асобных участках дарог галалёдзіца. Вецер будзе паўднёва-заходні ўмераны, удзень месцамі ў паўночных раёнах парывы ветру дасягнуць 15-18 м/с.
Тэмпература паветра ўначы складзе 3-9 градусаў марозу, пры праясненнях - да 10-12 градусаў ніжэй за нуль. Удзень будзе ад мінус 1 да мінус 6 градусаў