У Беластоку будуць судзіць «паляка» з Беларусі
12- 17.01.2019, 20:50
- 26,619
Беларус падрабіў пасведчанне аб нараджэнні, каб атрымаць карту паляка.
У Беластоку будуць судзіць беларуса, які падрабіў пасведчанне аб нараджэнні, каб атрымаць карту паляка. Як паведамляе euroby.info, гэта першая з крымінальных спраў ілжэ-палякаў.
34-гадовы Дзмітрый М. падаваў дакументы на карту паляка ў Беластоку ў тамтэйшае ваяводскага праўлення. Довадам яго сувязі з польскім народам павінны быў стаць запіс «полька» ў графе нацыянальнай прыналежнасці маці. Аднак высветлілася, што гэтая графа была падробленая.
Звычайна такія справы не даходзяць на суда. Ілжэ-палякі прызнаюць віну, ідуць на пагадненне са следствам і пакаранне для іх абмяжоўваецца штрафам. Але ў гэтым выпадку мужчына не згаджаецца з абвінавачваннем, таму справа трапіла ў суд. Калі яго не апраўдаюць, яму пагражае да 5 гадоў турмы.
Паводле інфармацыі польскай пракуратуры, у Беластоку распачалі дзясяткі крымінальных спраў у дачыненні да людзей, якія выкарыстоўваюць падробленыя дакументы аб прыналежнасці да польскага народу. Ілжэ-палякі сталі масава выяўляцца ў Польшчы з 2018 года.