У Венесуэле затрыманы спікер парламента Хуан Гуайда
5- 13.01.2019, 20:14
- 18,320
Хуан Гуайда заклікае да новых выбараў у краіне і не прызнае легітымным дзейнага дыктатара Нікаласа Мадура.
У Венесуэле спецслужбы затрымалі кіраўніка Нацыянальнай асамблеі краіны Хуана Гуайда. Пра гэта гаворыцца ў афіцыйным Twitter палітыка.
Таксама паведамленне пра затрыманне спікера парламента размешчанае ў Twitter Нацыянальнай асамблеі. Таксама на афіцыйнай старонцы ў сацсетцы з'явілася відэа ягонага затрымання: на ім бачна, як група людзей, сярод якіх ёсць мужчыны ў форме, захопліваюць аўто палітыка на трасе.
Funcionarios del Sebin interceptaron y se llevaron, hasta ahora sin rumbo conocido , al Presidente de la Asamblea Nacional, Dip. @jguaido . El hecho ocurrió bajando a la Guaira, a la altura de El Limón. #13Ene pic.twitter.com/3jpvylk3Ar
— Asamblea Nacional (@AsambleaVE) January 13, 2019
Пазней, як паведамляе Reuters, сілавікі адпусцілі Гуайда. Прычына ягонага затрымання не называецца.
Гуайда з'яўляецца дэпутатам ад апазіцыйнай партыі «Народная воля». На пасаду старшыні Нацыянальнай асамблеі, якая знаходзіцца ў стане канфлікту з кіраўніком краіны, Нікаласам Мадура, ён уступіў 5 студзеня. Ён заклікаў да арганізацыі свабодных выбараў у краіне.
