28 сакавiка 2024, Чацвер, 18:48
Падтрымайце
сайт
Сім сім,
Хартыя 97!
Рубрыкі

Юры Хашчавацкі: Двух тыдняў дастаткова, каб Лукашэнка капітуляваў перад народам

84
Юры Хашчавацкі: Двух тыдняў дастаткова, каб Лукашэнка капітуляваў перад народам
ФОТА: SVABODA.ORG

Трэба не хадзіць у «дармаедскія» камісіі, а рыхтаваць усеагульны байкот.

У сеціве з'явіліся першыя сведчанні беларусаў пра тое, як працуюць «дармаедскія» камісіі.

Студэнткі з Чэхіі распавялі пра тое, што па перыметры кабінета засядаюць 18 чыноўнікаў, а пасярэдзіне ставяць крэсла для выкліканага да іх «дармаеда». Тлумачыць, чаму чалавека ўнеслі ў базу звестак, чальцы камісіі адмаўляюцца - на пытанні павінен адказваць толькі «дармаед».

Жыхар Глыбокага запомніў толькі багацце золата на шыі і руках старшыні камісіі. «Стаіш, як школьнік, які правініўся, і павінен тлумачыцца. Чалавек пятнаццаць там сядзела - усё райвыканкамаўскія, уключна з міліцыяй. Асноўная там у камісіі сядзіць жанчына - шыя ад золата гнецца, пальцы хутка зломіць ад гэтага золата», - сведчыць беларус.

Барысаўчанін распавёў пра камісію з 21 «важнага чалавека» і ўсё пра тое ж самотнае крэсла для «дармаеда», пастаўленае перад «вяршкамі» раённай іерархіі.

Пра што кажуць гэтыя красамоўныя сведчанні беларусаў? Сваім меркаваннем з сайтам Charter97.org падзяліўся вядомы беларускі кінарэжысёр Юрый Хашчавацкі:

- Першае, што прыходзіць у галаву, калі чытаеш гэтыя апісання - гэта карціна Франсіска Гойя «Трибунал инквизиции».

Тут у наяўнасці - і новая беларуская інквізіцыя, і мізансцэна, у якой гэта ўсё адбываецца. Паглядзіце: яны сядзяць усе ў золаце за сталамі, а кожны, хто туды прыходзіць - ужо загадзя абвінавачаны.

Сядзіць на асобным зэдліку за асобным невялікім столікам. Гэта раскрывае ўсе іх задумы: плебсу не трэба мець вялікі стол, на які можна шмат чаго пакласці. А навошта даваць «дармаедам» такія магчымасці? Яны павінны быць толькі ў тых, хто сядзіць у золаце і чыніць судзілішча.

Але галоўнае - усё робіцца для таго, каб людзі першапачаткова адчувалі сябе вінаватымі, каб яны зразумелі, што правініліся. І ўсё роўна за што.

І калі паглядзець праўдзе ў вочы, то выкліканыя на «дармаедскае крэсла» сапраўды вінаватыя. Але не ў тым, што «не ўдзельнічалі» ў эканоміцы, а ў тым, што дазволілі інквізіцыі з сабой гэта зрабіць. І працягваюць прыходзіць у кабінеты з «зэдлікам ганьбы».

Так, усе скардзяцца на дэкрэт №1. Але куды скардзяцца? У незалежныя СМІ, якія цяпер самім жа беларусам трэба абараняць ад ціску з боку рэжыму Лукашэнкі. Атрымліваецца, што «дармаедаў» абараняюць тыя журналісты, якія павінны працаваць з падполля і з-за мяжы, якіх рэгулярна арыштоўваюць і штрафуюць, адбіраюць апаратуру, сайты якіх блакуюць. А павінна быць наадварот: беларусы павінны стаць на абарону сваіх СМІ.

«Дармаеды», што пераследуюцца Лукашэнкам, як гэта ні парадаксальна, паўтараюць памылку самога Лукашэнкі. Яны таксама патрапілі ў сітуацыю «за што змагаліся - на тое і напароліся». Тыя, хто хацеў пераседзець ціха, атрымалі поўны камплект зневажанняў і самавольства з сябе. Сапраўды гэтак жа, як і Лукашэнка, які жадаў «на халяву» атрымліваць грошы з Расеі, цяпер расплачваецца сваім бяссіллем, калапсам эканомікі і зневажальнай здачай суверэнітэту.

Гэтак жа кожны беларус з базы «дармаедаў» здаў сваю незалежнасць гэтым інквізітарскім камісіям. І вымушаны глядзець на іх залатыя ланцугі, тулячыся на маленькім зэдліку для знявагі. Усё лагічна: калі не змагацца за сябе і іншых, прыходзіш да такога стану рэчаў.

- Цяпер вы выступаеце ў ролі лекара, што прапісвае горкія лекі. Ну а калі б знаёмы і неабыякавы вам чалавек, якога выклікалі ў «дармаедскую» камісію, даверліва звярнуўся па параду - што б вы яму сказалі?

- Я б яму сказаў ні ў якім разе не хадзіць на гэтыя камісіі. Не ісці на гэта прыніжэнне, на «крэсла ганьбы» перад абважанымі золатам чыноўнікамі.

Я б сказаў так: уявіце сабе тэарэтычна сітуацыю, што ніхто з беларусаў не плаціць Лукашэнку ўсіх гэтых падаткаў і падвышанай «камуналкі». Ніхто не выходзіць на працу - усе мільёны тых, каго перавялі на кантрактную сістэму і чакаюць ад іх паслухмянай працы за капейкі.

Для таго, каб з усім гэтым пакончыць, трэба пратрымацца як максімум два тыдні. Гэта - максімум. А наогул я думаю, што і праз тыдзень для ўлады бы ўсё скончылася.

Выйсце адно - татальны байкот гэтай уладзе. І тады не трэба будзе прыніжацца і стаяць, як вінаваты шкаляр, перад камісіяй. Усе гэтыя незаконныя камісіі можна будзе хутка заклікаць да парадку, збіць з іх гонар і, вобразна кажучы, зняць з іх залатыя ланцугі і пярсцёнкі.

Ды што там паказушнае золата - людзям Лукашэнкі давядзецца адказаць за ўсе пабудаваныя за кошт народа палацы і катэджы, за ўсе адкрытыя на экзатычных выспах афшорныя рахункі. Усё гэта можна вярнуць народу.

Але ёсць адна ўмова: трэба адчуць сябе людзьмі. Зразумець, што з гэтым рэжымам можна паспяхова змагацца. І пачаць давяраць адзін аднаму. Таму што толькі ва ўзаемным даверы і салідарнасці заключаецца наша сіла.

Напісаць каментар 84

Таксама сачыце за акаўнтамі Charter97.org у сацыяльных сетках