29 сакавiка 2024, Пятніца, 1:46
Падтрымайце
сайт
Сім сім,
Хартыя 97!
Рубрыкі

Выбух у цэнтры Парыжу: што адбылося?

12
Выбух у цэнтры Парыжу: што адбылося?
Фото: AFP/Getty Images

З прычыны выбуху загінулі двое пажарных, дзясяткі чалавек пацярпелі.

Французскія ўлады ўдакладнілі інфармацыю аб пацярпелых у выніку выбуху ў булачнай у цэнтры Парыжа. Паведамляецца, што загінулі двое пажарных, паведамляе BBC.

Яшчэ 47 чалавек пацярпелі, 10 з іх - сур'ёзна, цытуе французскую пракуратуру «Франс прэс». Адзначаецца, што першапачатковая інфармацыя пра чатырох загінулых была няправільнай.

Магутны выбух прагрымеў у суботу раніцай у булачнай на вуліцы Ру-дэ-Трэвіз. Праз выбух у найбліжэйшых дамах павыляталі шыбы, пачаўся пажар.

ФОТА: AFP/GETTY IMAGES

Паліцыя мяркуе, што прычынай выбуху стаў выцек газу.

Паліцыя горада заклікала людзей устрымацца ад наведвання раёна, у якім здарыўся інцыдэнт, каб не перашкаджаць рабоце службаў экстранай дапамогі.

Што адбылося?

ФОТА: AFP/GETTY IMAGES

Булачная Hubert на вуліцы Ру-дэ-Трэвіз у момант выбуху яшчэ была закрытая, піша газета Le Parisien.

Пажарныя ведалі аб выцеку газу ў будынку і накіроўваліся туды для яго ліквідацыі, калі здарыўся выбух.

Журналістка Эмілі Малі, якая апынулася на месцы здарэння, распавяла пра тое, што там адбывалася.

Разбурэнні ў некалькіх кварталах праз выбух на Ру-дэ-Трэвіз.

Мясцовы жыхар па імі Кіліян спаў, калі выбуховай хваляй выбіла шыбы ў ягонай кватэры. З ягоных слоў, усе, хто быў у той момант у будынку, спусціліся ўніз. Ён кажа, што чуў гучныя крыкі.

Выбухам разбурыла тэатр, распавёў Кіліян у інтэрв'ю французскаму тэлеканалу BFMTV.

ФОТА: AFP/GETTY IMAGES

Адміністратарка гатэля Diva Hotel Пола Нагі паведаміла Le Parisien, што пачула моцны выбух, які выбіў усе вокны ў будынку.

Паводле яе слоў, пастаяльцаў запэўнілі, што гэта не тэракт.

ФОТА: AFP/GETTY IMAGES
ФОТА: AFP/GETTY IMAGES
ФОТА: AFP/GETTY IMAGES
Напісаць каментар 12

Таксама сачыце за акаўнтамі Charter97.org у сацыяльных сетках