Лукашэнка зрабіў больш жорсткім парадак аказання дзяржпадтрымкі

Кіраўнік унёс шэраг змяненняў у свой жа ўказ ад 23 сакавіка 2016 года.

У Беларусі робіцца больш жорсткім парадак аказання дзяржаўнай фінансавай падтрымкі. Гэта прадугледжана ўказам №10, які Лукашэнка падпісаў 10 студзеня, паведамілі ў прэс-службе кіраўніка.

Дакумент уносіць шэраг змяненняў ва ўказ ад 23 сакавіка 2016 года №106 «Аб дзяржаўных праграмах і аказанні дзяржаўнай фінансавай падтрымкі».

Між іншым, устаноўлена, што дзяржпадтрымка можа аказвацца ў выключных выпадках на пастанове дыктатара толькі ў выглядзе прадастаўлення бюджэтнай пазыкі для рэалізацыі інвестыцыйных праектаў, якія прайшлі дзяржаўную комплексную экспертызу і якія маюць станоўчае заключэнне.

Указам удакладненае кола асоб, якія могуць разлічваць на дзяржпадтрымку. У спіс трапілі юрыдычныя асобы - рэзідэнты Рэспублікі Беларусь (за выключэннем бюджэтных арганізацый, банкаў, Банка развіцця Беларусі, страхавых і нябанкаўскіх крэдытна-фінансавых арганізацый, калі іншае не ўстаноўленае кіраўніком) і індывідуальныя прадпрымальнікі.

Пры гэтым умовай аказання дзяржпадтрымкі з'яўляецца дасягненне прадпрыемствам асноўных паказчыкаў дзейнасці: рэнтабельнасць продажаў, прадукцыйнасць працы, зніжэнне ўзроўню затрат на вытворчасць і рэалізацыю прадукцыі. Карэкціроўка паказчыкаў у далейшым забараняецца. Калі гэтыя паказчыкі не будуць дасягнутыя, пазычальнік павінен будзе датэрмінова вярнуць бюджэтныя сродкі.

Дакументам таксама ўведзены абавязак штогадовай падачы пазычальнікам звестак аб дасягненні асноўных паказчыкаў, напрамку выкарыстання пазыкі і выканання абавязанняў паводле дамовы. Замацаваны механізм вызначэння ільготных ставак у крэдытах, што выдаюцца ў якасці фінансавай падтрымкі пры рэалізацыі дзяржаўных праграм.