Беларусы будуць плаціць за газ і электрычнасць па-новаму

У Мінэнэрга растлумачылі, якія змены і для каго ўнеслі ў парадак аплаты паслуг.

У Беларусі перагледзелі парадак разлікаў і ўнясення платы за жыллёва-камунальныя паслугі. У Мінэнэрга растлумачылі, якія змены ўнеслі ў аплату паслуг электра- і газазабеспячэння. Ва ўстанове таксама ўдакладнілі, якая з’явілася новая група спажыўцоў паслуг электразабеспячэння, піша tut.by.

Якія змены прынялі пры аплаце газу і электрычнасці

Некаторыя беларусы змогуць аплачваць паслугі электра- і газазабеспячэння субсідаванымі тарыфамі ў двух жылых памяшканнях: на адрасе абавязковай рэгістрацыі на месцы жыхарства і рэгістрацыі на месцы знаходжання. У Мінэнэрга ўдакладнілі, хто з платнікаў зможа разлічвацца паводле льготных тарыфаў за гэтыя паслугі паводле рэгістрацыі на месцы знаходжання.

- Калі грамадзянін-уласнік жылога памяшкання з'яўляецца непрацоўным пенсіянерам, які дасягнуў агульнаўстаноўленага пенсійнага веку, асобай, якая мае права на льготы ў аплаце паслуг электразабеспячэння і газазабеспячэння, або інвалідам III групы, і зарэгістраваны ў жылым памяшканні (доме) на месцы знаходжання, то ён можа ажыццяўляць разлікі за электрычную энэргію і газ паводле субсідаваных тарыфаў (цэн) з улікам дыферэнцыяцыі ў залежнасці ад аб'ёмаў спажывання.

Каб атрымаць ільготы пры аплаце за спажытыя электрычнасць і газ паводле месцы знаходжання, трэба звярнуцца ў энэргазабеспячальныя і газазабеспячальныя арганізацыі з пісьмовай заявай і дакументамі. Сярод папер, якія трэба падаць, - дакумент аб рэгістрацыі на месцы знаходжання на пазначаным адрасе; пенсійнае пасведчанне і працоўную кніжку або іншы дакумент, які пацвярджае, што пенсіянер не працуе (для непрацоўных пенсіянераў); пасведчанне інваліда (для асоб, якія маюць права на льготы, або інвалідаў III групы).

Скарыстацца гэтай ільготай можна ў абсталяваных прыладамі ўліку выдатку электрычнай энэргіі жылых памяшканнях аднакватэрных жылых дамоў, кватэрах у шматкватэрных і блакаваных жылых дамоў, у абсталяваных газавымі ацяпляльнымі прыладамі і прыладамі ўліку выдатку газу жылых памяшканнях аднакватэрных жылых дамоў, кватэрах шматкватэрных або блакаваных жылых дамоў, у садовых дамах (лецішчах).

Гэтая змена, адзначаюць у Мінэнэрга, дасць магчымасць непрацоўным пенсіянерам і інвалідам паменшыць выплаты за спажытую электраэнэргію і газ.

- Рэгістрацыя грамадзян на месцы знаходжання ажыццяўляецца на тэрмін да аднаго года, без зняцця іх з рэгістрацыйнага ўліку на месцы жыхарства (грамадзяне зарэгістраваныя на месцы жыхарства ў гарадской кватэры і адначасова могуць мець рэгістрацыю на месцы знаходжання ў вясковай хаце, куды выязджаюць на летні перыяд). У пытанні рэгістрацыі на месцы знаходжання грамадзянам трэба звяртацца ў сельскі (пасялковы) выканаўчы камітэт, - дадаюць у Мінэнэрга.

Налічваць плату за электрычнасць і газ паводле субсідаваных тарыфаў для гэтай катэгорыі платнікаў будуць з дня падачы заявы ў энэрга-, газазабеспячальную арганізацыю.

Як з’явілася новая група спажыўцоў электрапаслуг?

З ліпеня гэтага года ў Беларусі будзе новая група спажыўцоў электрапаслуг, адзначаюць ва ўстанове. Так, спажыўцы, чые жылыя памяшканнi (аднакватэрныя жылыя дамы, кватэры ў шматкватэрных і блакаваных жылых дамах) не абсталяваныя электраплітамі і сістэмамі цэнтралізаванага гарачага водазабеспячэння і абсталяваныя сістэмамі цэнтралізаванага забеспячэння прыродным (звадкаваным вуглевадародным) газам толькі для гатавання ежы і (або) ацяплення, будуць аплачваць спажытую электраэнэргію:

• да 250 кВт•г уключна - паводле субсідаваных тарыфаў для насельніцтва;

• звыш 250 да 400 кВт•г уключна - паводле субсідаваных тарыфаў для насельніцтва з ужываннем павышальнага каэфіцыента 1,3, але не вышэй за тарыфы, якія забяспечваюць поўную кампенсацыю эканамічна абгрунтаваных выдаткаў на іх выкананне;

• звыш 400 кВт•г - паводле субсідаваных тарыфаў, што забяспечваюць поўную кампенсацыю эканамічна абгрунтаваных выдаткаў на іх выкананне.