Навукоўцы назвалі ўзрост, у якім наша самаацэнка дасягае піка

Cпецыялісты прааналізавалі больш за 300 даследаванняў.

Чым старэйшымі мы становімся, тым больш упэўнена сябе адчуваем і тым больш высокай самаацэнкай валодаем. Цяпер гэта афіцыйна пацверджана псіхолагамі, піша «Новое время».

У нядаўнім дакладзе, апублікаваным у амерыканскім навуковым часопісе Psychological Bulletin, гаворыцца пра тое, што чалавечая самаацэнка паступова нарастае цягам жыцця, а яе пік прыпадае на 60 гадоў.

Каб прыйсці да такой высновы, навукоўцы прааналізавалі больш за 300 розных даследаванняў пра самаацэнку ў розных узроставых групах, улічваючы год нараджэння, пол і нацыянальнасць.

Як выявілася, наша самаацэнка хвалепадобна ўзрастае да 60 гадоў і трымаецца на такім узроўні прыкладна да 70 гадоў. Ва ўзросце 70-80 гадоў прадстаўленне чалавека пра важнасць сваёй асобы паступова пагаршаецца і імкліва падае ў 90 гадоў.

Вядома, самаацэнка - рэч індывідуальная і суб'ектыўная, кожны чалавек, у залежнасці ад асабістых абставінаў, адчувае сябе значным па-рознаму. Але, як правіла, жыццёвы досвед дапамагае людзям менш звяртаць увагу на меркаванне іншых.

З іншага боку, псіхолагі адзначаюць, што на нізкую самаацэнку ў маладым узросце ў сучасным свеце ўплываюць сацыяльныя сеткі. Часцяком высновы аб сваёй значнасці ў грамадстве моладзь робіць на падставе колькасці ўпадабаек і каментароў. Навукоўцы рэкамендуюць не зацыклівацца на віртуальным баку жыцця.