Жонка героя АТА падала на Расею ў суд
3- 26.09.2018, 21:42
- 16,321
Жонка вайскоўца хоча спагнаць з РФ 60 тысяч еўраў.
Жонка загінулага ў зоне правядзення АТА вайскоўца падала пазоў супраць Расеі аб спагнанні маральнай шкоды сумаю €60 тысяч як піша «Униан», пра гэта паведамляецца на сайце Судовай улады.
Адзначаецца, што ў ліпені 2014 года падчас выканання задання па эвакуацыі траўмаваных калегаў каля г. Шахцёрск, БТР-80, якім кіраваў баец, падарваўся на фугасе ўзброеных фармаванняў Расеі.
Тады загінуў муж пазоўніцы і яшчэ адзін вайсковец, восем чалавек былі параненыя. Жанчына ўказвае, што вядомым з'яўляецца факт вайсковай агрэсіі Расейскай Федэрацыі супраць Украіны, у выніку чаго загінуў яе муж, таму менавіта Расейская Федэрацыя павінна несці адказнасць за дзеянні, у выніку якіх гінуць украінцы, і менавіта з гэтай краіны варта спагнаць маральную шкоду на яе карысць, прычыненую гібеллю мужа і бацькі.
Цяпер суд адкрыў вытворчасць паводле справы і прызначыў справу да судовага разбору. Паводле звестак Рэестра судовых пастаноў, гаворка ідзе пра Паўла Станіслававіча Дзіяка. Ён падарваўся і загінуў 12 ліпеня 2014 года, калі эвакуіраваў іншых байцоў. У ліпені 2014 года Дзіяку пасмяротна ўзнагародзілі ордэнам «За мужнасць» III ступені. Яго жонка падала пазоў у сваіх інтарэсах і інтарэсах малой дачкі. Яго будзе разглядаць суд у Харкаве.