Пяць ляпаў сацыяльнай рэкламы, размешчанай на адным гомельскім скрыжаванні

Вуліцы Гомеля, як і любога іншага беларускага горада, мільгаюць сацыяльнай рэкламай.

Яе масавае размяшчэнне тлумачыцца тым, што, згодна з дзейным заканадаўствам, размяшчэнне сродкаў вонкавай рэкламы без уласна рэкламы не дапускаецца, піша «Деловой Гомель».

У выпадку адсутнасці ў рэкламадаўцы магчымасці размясціць вонкавую рэкламу, на білбордзе павінна замяшчацца іншая інфармацыя (інфармацыя аб сацыяльна-культурных або святочных мерапрыемствах, сацыяльная рэклама). Немалаважна, што пры размяшчэнні сацыяльнай рэкламы, уладальнікі білбордаў пазбаўляюцца ад неабходнасці выплаты збору за размяшчэнне вонкавай рэкламы ў мясцовы бюджэт.

Якасць сацыяльнай рэкламы ўсё яшчэ пакідае жадаць лепшага. У доказ журналісты падалі пяць рэкламных білбордаў размешчаных на адным са скрыжаванняў Навабеліцкага раёна Гомеля.

Наглядны прыклад сацыяльнага білборда: набор слоў, па задуме распрацоўшчыкаў аб'яднаных нейкім сэнсам.

Спачатку фраза: «Просты разлік. Складанне». Далей па тэксце ніякага складання няма. Затое ёсць фраза: «Эканом незаўважна». У чым сэнс незаўважнай эканоміі таксама не раслумачана. Толькі паведамляецца, што тэхніка А-класа забяспечвае спажыванне энергіі на 51% менш. Сутнасць разлікаў шляхам «складання» гамельчукі павінны зразумець самастойна. Ніякіх падказак не дадзена.

Яшчэ адзін плакат з таямнічымі матэматычнымі вылічэннямі. Згодна з формулай пешаходны пераход роўны дзелі дзіцяці на кіроўцу. Пры гэтым і дзіця і кіроўца таксама маюць свае формулы разліку.

І што цікава, фінансуе гэтыя складаныя вылічэнні на гомельскіх білбордах урад Расейскай Федэрацыі.

Не адрозніваецца сэнсавай перагружанасцю і рэклама Гомельскага абласнога камітэта прыродных рэсурсаў і аховы навакольнага асяроддзя.

Заказчык рэкламы, імаверна, хацеў падкрэсліць важнасць чыстай вады для будучых пакаленняў. Але чаму толькі адзін глыток? Больш чыстай вады мы пакідаць не збіраемся? А тое, што засталося загорнем у падарункавую ўпакоўку? Здаецца, што нашы нашчадкі будуць зусім не рады такому «падарунку».

На першы погляд аблічча ўсмешлівага хірурга робіць спрыяльнае ўражанне. Аднак фраза «сэрцам адданыя роднай зямлі» прымушае задумацца.

Сучасны беларус напэўна пазнае радок з афіцыйнага беларускага гімна. Але ўявіце, які сэнсавы ланцужок могуць выбудаваць людзі, не знаёмыя з тэкстам: «Хірург - аддадзенае сэрца - зямля». Ужо ці не трансплантолаг так весела ўсміхаецца на рэкламным плакаце?

Цыкл плакатаў «Я люблю Беларусь» шырокі і вядомы. Але ёсць у ім адзін асобнік, які выклікае неадназначныя асацыяцыі.

Аўтары напэўна спрабавалі адлюстраваць у выглядзе кольцаў аблокі, але ў рэальнасці такія кольцы хутчэй выклікаюць асацыяцыі з тытунёвым дымам. У выніку замест «Я люблю Беларусь» атрымалася «Я палю Беларусь»

Тое, што ўсе гэтыя рэкламныя плакаты размешчаны на адным скрыжаванні ўскосна сведчыць аб тым, заказчыкі сацыяльнай рэкламы не асабліва цікавяцца яе зместам. Пры тым, што крэатыў у дачыненні да камерцыйнай рэкламы часцяком жорстка спыняецца.