Стала вядома, якім будзе надвор'е да канца тыдня

У Беларусі заўтра чакаюцца дажджы.

У чацвер, 27 верасня, варункі надвор'я на тэрыторыі Беларусі будуць вызначаць атмасферныя франты атлантычнага цыклона, які змяшчаецца на Балтыйскае мора, і няўстойлівая паветраная маса, паведамілі карэспандэнту БелТА ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

Будзе воблачна з прасвятленнямі. Уначы і раніцай у многіх раёнах пройдуць дажджы, удзень месцамі кароткачасовыя дажджы. Вецер прагназуецца заходні, паўднёва-заходні моцны парывісты. Тэмпература паветра ўначы складзе 4-10 градусаў вышэй за нуль, у разгар дня - плюс 12-18.

У пятніцу, 28 верасня, будзе адчувацца ўплыў атмасферных франтоў ад цыклона, які змяшчаецца з Балтыйскага мора на Яраслаўскую вобласць Расеі. У Беларусі будзе воблачна з прасвятленнямі. Уначы пераважна на паўночнай частцы, раніцай і ўдзень у многіх раёнах краіны пройдуць кароткачасовыя дажджы.

Удзень месцамі магчымыя навальніцы. Вецер уначы на поўначы, раніцай і ўдзень на большай частцы тэрыторыі краіны прагназуецца моцны парывісты, з парывамі да 15-20 м/с. Тэмпература паветра ўначы складзе 5-12 градусаў вышэй за нуль. Удзень - 11-18 градусаў цяпла, на поўдні - да плюс 20. Штармавое папярэджанне (аранжавы ўзровень небяспекі) праз моцны вецер дзейнічае ў краіне ўвесь працоўны тыдзень - з 24 да 28 верасня.

У суботу, 29 верасня, надвор'е ў Беларусі ў асноўным будзе вызначаць вобласць павышанага атмасфернага ціску. Пераважна ва ўсходніх раёнах адаб'ецца ўплыў няўстойлівай паветранай масы, якая паступае з Балтыйскага мора. Будзе воблачна з прасвятленнямі. Месцамі, пераважна на ўсходзе, пройдуць невялікія кароткачасовыя дажджы. Вецер прагназуецца паўночна-заходні сярэдні. Тэмпература паветра ўначы складзе 1-8 градусаў вышэй за нуль, на поўначы месцамі магчымыя слабыя замаразкі да нуля - мінус 2. Удзень будзе 8-14 градусаў цяпла.