Урад РФ засакрэціў кожны шосты рубель у бюджэце

Сума таемных расходаў перавысіла 3 трыльёны расейскіх рублёў.

Урад Расеі прадаўжае павялічваць сакрэтную частку федэральнага бюджэту, якая, як правіла, выкарыстоўваецца для фінансавання сілавых структур, піша finanz.ru.

У 2019 года ў рэжыме максімальнай прыватнасці будзе выдаткавана 3,04 трыльёна расейскіх рублёў, вынікае з праекту бюджэту на 2019-21 гады, які Мінфінансаў апублікавала на партале прававых актаў.

Так, згодна з дакументам, налета сумарны аб'ём расходаў бюджэту закладзены на ўзроўні 18,037 трыльёна рублёў.

Пры гэтым публічна даступныя сумы паводле артыкулаў (дадатак 10 да закона), дзе пазначаны канкрэтныя кірункі марнавання грошай, налічваюць з гэтай сумы толькі 14,997 трлн расейскіх рублёў.

Такім чынам, у сакрэтным рэжыме ўрад выдаткуе 16,6% ад бюджэту, або кожны шосты рубель.

З улікам гэтых, ценявых асігнаванняў, паводле якіх Кабмін не здае справаздачу публічна, фінансаванне артыкулаў "нацыянальная абарона" і "нацыянальная бяспека і праваахоўная дзейнасць" можа скласці ў 2019 годзе 5,421 трыльёна рублёў.

Гэта на 274 млрд рублёў, або 5,3% больш, чым у 2018-м годзе, і на 500 млрд рублёў, або 10,3% перавышае паказчык 2016 года (4,85 трлн рублёў).

Сумарна марнаванні на сілавікоў застануцца найбуйнейшым артыкулам выдаткаў расейскага ўрада. Яны на 16,7%, або 779 рублёў перавысяць выдаткі на агульнае сацыяльнае забеспячэнне насельніцтва, у 1,7 разы, або на 2,237 трыльёна рублёў - выдаткі на пенсіі (3,184 трлн рублёў); у 2,2 разы - выдаткі на падтрымку нацыянальнай эканомікі (2,437 трлн рублёў); у 7,5 разоў - выдаткі на адукацыю і амаль у 10 разоў - выдаткі на ахову здароўя.

Агульны аб'ём ценявога бюджэту вырасце ў параўнанні з гэтым годам на 161 млрд рублёў, або 5,5%.

Рэкорднага ўзроўню сакрэтныя выдаткі ўрада РФ дасягалі ў 2016 годзе - першапачаткова ў "цені" было 2,929 трлн рублёў (18% бюджэту), аднак у кастрычніку сума павялічылася да 3,609 трлн праз дадатковыя гарантыі пад дзяржабаронзаказ.