Пятра Вярзілава выпісалі са шпіталя ў Нямеччыне
1- 26.09.2018, 17:21
- 8,062
Раней паліцыя Берліна ўзяла яго пад ахову праз магчымае сачэнне.
Выдаўца расейскага інтэрнэт-СМІ «Медиазона» Пятра Вярзілава выпісалі са шпіталя, паведаміла ў сераду, 26 кастрычніка, удзельніца групы Pussy Riot Надзея Талаконнікава. «Пеця ў парадку і яго выпісваюць, праўда, зрэнкі дагэтуль сподкамі», - напісала Талаконнікава ў сваім Twitter, паведамляе «Нямецкая хваля».
дней 6 назад. а теперь Петя в порядке и его выписывают! правда, зрачки до сих пор блюдцами. pic.twitter.com/zXchHHy2XG
— nadya (@tolokno) 26 сентября 2018 г.
Пятро Вярзілаў быў шпіталізаваны ў Маскве 11 верасня, затым яго перавялі ў рэанімацыю НДІ ім. Скліфасоўскага ў цяжкім стане, а 15 верасня ён быў дастаўлены на лячэнне ў Берлін.
Лекары клінікі Charite, дзе Вярзілаў праходзіць курс лячэння, пацвердзілі версію пра інтаксікацыю, але нямецкія медыкі пакуль не могуць назваць субстанцыю, якая выклікала атручванне.
Берлінская паліцыя ўзяла Вярзілава пад ахову праз магчымае сачэнне.