Пампэа: Другая сустрэча Трампа і Кім Чэн Ына можа адбыцца ў кастрычніку
- 26.09.2018, 16:55
- 5,572
Для падрыхтоўкі саміту дзяржаўны сакратар ЗША паедзе ў Пхеньян.
Дзяржаўны сакратар ЗША Майк Пампэа заявіў, што прэзідэнт ЗША Дональд Трамп і паўночнакарэйскі лідар Кім Чэн Ын могуць сустрэцца ў кастрычніку гэтага года.
Пра гэта ён заявіў у эфіры тэлеканала CBS, паведамляе «Европейская правда».
Пампэа распавёў аб паездцы ў Пхеньян для забеспячэння правільных умоў для сустрэчы лідараў.
«Гэта патрабуе пэўнага часу, каб правесці іх сустрэчу, і мы хочам пераканацца, што створаныя правільныя ўмовы для паспяховага саміту», - сказаў дзяржсакратар.
Пампэа заявіў, што саміт можа адбыцца ў кастрычніку, але, хутчэй за ўсё, адбудзецца «праз некаторы час пасля гэтага».
Як паведамлялася, лідар Паўночнай Карэі Кім Чэн Ын папрасіў прэзідэнта ЗША Дональда Трампа аб другой сустрэчы.