Актоўбэрфэст: Дзіўныя факты пра піўное свята восені

У гэтым годзе фестываль будзе доўжыцца з 22 верасня да 7 кастрычніка.

Дзіўныя факты пра нямецкі піўны фэст

Актоўбэрфэст - гэта самая вялікае народнае гулянне ў свеце, якое штогод прываблівае больш за шэсць мільёнаў турыстаў. У 2018 годзе свята будзе доўжыцца з 22 верасня да 7 кастрычніка, піша segodnya.ua.

Упершыню Актоўбэрфэст адбыўся ў гонар вяселля кронпрынца Людвіга і прынцэсы Тэрэзы Саксонскай-Хільдбургхаўзскай (яе імем названы луг, дзе праходзіць свята). Калі закаханыя павянчаліся ў 1810 годзе, каралеўскія сямейнікі надумалі адзначыць гэтую падзею масавай урачыстасцю.

Актоўбэрфэст традыцыйна праводзяць у Мюнхене, Баварыя. У гонар свята на Лузе Тэрэзы усталёўваюць піўныя намёты: 14 вялікіх і 15 маленькіх. Цікава, што вялікія намёты здольныя змясціць да 10 000 чалавек.

Актоўбэрфэст прымае наведвальнікаў штодня з 10:00 раніцы і да 10:30 вечара, а ў выходныя дні - з 9:00.

Фестываль уважаецца за адкрыты толькі тады, калі вядучы свята - мэр Мюнхена - адкаркуе першую бочачка піва і пракрычыць «Адкрыта!».

Прадаваць хмельны напой на Актоўбэрфэст маюць права толькі шэсць бровараў - Spaten, Augustiner, Paulaner, Hacker-Pschorr, Hofbräuhaus і Löwenbräu.

Актоўбэрфэстаўскае піва даволі моцнае: у ім утрымліваецца цэлых 6% алкаголю.

Кельнеры на Актоўбэрфэсце пераносяць за раз велізарную колькасць цяжкіх піўных куфляў. На свяце працуюць дзесьці 13 тысяч афіцыянтаў, бармэнаў, кухараў ды іншы абслуговы персанал.

Паводле звестак арганізатараў свята, у 2018 годзе кошт літровага куфля піва (Maß Bier) на мюнхенскім Актоўбэрфэсце будзе складаць ад 10,80 еўра да 11,50 еўра.

На фэсце строга сочаць за тым, ці не падманваюць наведвальнікаў. Аб'ём піва ў келіху не павінен адрознівацца ад 1 літра больш чым на дзясятую частку.

На Актоўбэрфэсце любяць зарабляць кішэннікі. Кожны год паліцыя рэгіструе блізу 300 крадзяжоў.

За час правядзення фестывалю госці выпіваюць больш за 7 мільёнаў літраў піва і з'ядаюць 1,5 мільёна смажаных мюнхенскіх кілбасак, 500 тысяч смажаных курэй, 65 тысяч свіных рулек і 84 быкі.