Парламент Швецыі прагаласуе ў пытанні аб даверы прэм'еру
1- 24.09.2018, 21:08
- 7,151
Каб зрушыць прэм'ера Лёвэна, ліберальна-кансерватыўнага правацэнтрысцкага альянсу трэба заручыцца падтрымкай правапапулістаў.
Рыксдаг - аднапалатны парламент Швецыі - у аўторак, 25 верасня, прагаласуе ў пытанні аб даверы прэм'ер-міністру Стэфану Лёвэну, які займаў гэту пасаду з кастрычніка 2014 года. Пра гэта паведаміў абраны спікерам Андрэас Норлен.
Дэпутаты збяруцца на пасяджэнне ўпершыню з парламенцкіх выбараў 9 верасня, калі правапапулістская партыя «Шведскія дэмакраты» дамаглася найлепшага выніку ў сваёй гісторыі, набраўшы 17,7 адсотка, паведамляе DW.
Паводле вынікаў выбараў стала ясна, што ніводная з палітычных сілаў не можа сфармаваць урад большасці. На гэтым фоне лідар апазіцыйнай Умеранай кааліцыйнай партыі Ульф Крысцерсан заклікаў урад Лёвена скласці паўнамоцтвы.
Перавага ў адзін мандат
Партыі «чырвона-зялёнага» блока, які ўзначальвае прэм'ер-міністр краіны Стэфанам Лёвэн, атрымалі перавагу над сваімі апанентамі усяго ў адзін мандат.
Для вынясення вотуму недаверу прэм'еру ліберальна-кансерватыўнага правацэнтрысцкая альянсу, у які ўваходзяць Умераная кааліцыйная партыя, «Хрысціянскія дэмакраты», «Лібералы» і Партыя цэнтра, неабходна заручыцца падтрымкай правапапулістаў. Калі ж «Шведскія дэмакраты» не пойдуць на гэты крок, Стэфан Лёвэн захавае сваю пасаду.
Прэм'ер-міністр раней неаднаразова казаў пра «расісцкія і нацыянал-сацыялістычныя карані» «Шведскіх дэмакратаў», называючы гэта палітычнае аб'яднанне «неанацысцкай партыяй аднаго пытання».
Пасля ідэалагічнага расколу ўнутры партыі з яе былі выключаны самыя радыкальна настроеныя сябры.