Актобэрфэст 2018: 6 цікавых фактаў пра найбуйнейшы фэст піва

Сёлета мюнхенцы адзначаюць Актобэрфэст з 22 верасня да 7 кастрычніка.

Cайт «Вокруг света» зрабіў цікавую падборку пра галоўнае піўное свята свету.

Гісторыя свята

Пачаткам прыемнай традыцыі мюнхенцы ўважаюць вяселле баварскага прынца Людвіга I і прынцэсы Тэрэзы Саксонскай. На гэтае вяселле былі запрошаныя ўсе жыхары Мюнхена, сталы былі накрыты на полі каля гарадской брамы, туды ж выстаўленыя бочкі з півам. У завяршэнне балю былі зладжаныя скокі.

Праз год свята наважылі паўтарыць, а поле назвалі Тэрэзін луг - Theresienwiese. Вось так і паўтараюць дагэтуль.

Піва, традыцыйныя каўбаскі і дырндл

1. Піва. Згодна з правіламі, піва на свяце можа быць толькі мюнхенскім - звараным у адпаведнасці з законамі аб чысціні піва 1487 года і 1516 года. Яго прывозяць на Актобэрфэст з шасці піваварных заводаў Мюнхена: Spaten, Augustiner, Paulaner, Hacker-Pschorr, Hofbräu і Löwenbräu. Падаюць пенны напой у 1,5-літровых куфлях, якія адпавядаюць нямецкай меры «мас».

У якасці афіцыянтак наймаюць на працу толькі тых дзяўчат, якія здольныя прыносіць па 10 куфляў за адзін раз.

Традыцыйнай закускай да піва лічацца смажаныя курачкі, завітушкі «брэцэль, фарэль, запечаная на палачцы, баварскія каўбаскі, белыя сасіскіф «вайсвурст» і бульбяны салат.

2. Намёты. Вялікі піўны павільён (а іх на фестывалі 29 - 14 вялікіх і 15 маленькіх) здольны змясціць да 10 000 чалавек. На сайтах muenchen.de і oktoberfest.de паказваюць «барометр Луга», які паказвае ўзровень «пробак» у палатках вядомых півавараў.

Найбуйнейшай і самай папулярнай у турыстаў палаткай уважаецца павільён Hofbräu на 10 000 чалавек (месцы седзячы, стоячы і месцы ў садзе). На працягу двух тыдняў тут выпіваюць да 550 000 літраў піва, з'ядаюць за 70 000 куранят, 5 500 свіных кумпякоў і 8 500 порцый традыцыйных баварскіх каўбасак.

3. Цырымонія адкрыцця. Свята пачынаецца з шэсця гаспадароў піўных намётаў. Наперадзе гужавых павозак з бочкамі піва едзе святочная запрэжка бургамістра і Мюнхнер Кіндл - юная дзяўчына ў жоўта-чорным адзенні з піўным куфлям у руках. Мюнхнер Кіндл (Мюнхенскі дзіця) - сімвал горада.

Роўна апоўдні бургамістр забівае кран у першую бочку актобэрфэсцкага піва і прамаўляе "O'zapft is !», што азначае «адкаркаванае!»

4. Забавы. Акрамя піва і каўбасак, гасцей свята чакаюць традыцыйныя кірмашовыя забавы. З вышыні колы агляду (50 метраў) у яснае надвор'е можна ўбачыць Альпы. Амерыканскія горкі Olympia Looping за адну паездку наведвальнікаў 5 разоў перакульваюць уніз галавой, а на Alpina Bahn можна пакатацца з дзецьмі. А яшчэ - водныя горкі, каруселі, вежа вольнага падзення і блышыны цырк.

Дарэчы, на Актобэрфэст працуе спецыяльная дзіцячая зона з прымальнымі цэнамі на атракцыёны. Але ўваход з дзецьмі да 6 гадоў на свята дазваляецца толькі да 20.00.

Чырвоны крыж кожны год адкрывае тут пункт для дзяцей, што згубіліся.

5 Адзенне. Хоць гэта не абавязкова, большасць удзельнікаў апранаюцца ў традыцыйныя баварскія касцюмы: мужчыны - у скураныя брыджы ледэрхозе, а дзяўчаты - у прывабнае дырндл з гарсэтам і шырокай спадніцай.

6. Бяспека. Штогод фэст наведваюць 6 мільёнаў чалавек. 70% - карэнныя баварцы, астатнія 30% - прыезджыя з суседняй Італіі, Еўразвязу, ЗША, Японіі і Аўстраліі. За бяспеку на свяце адказваюць 300 мясцовых паліцэйскіх. На выходных да баварскіх калег далучаюцца паліцэйскія з Паўднёвага Ціроля: яны ўсё гавораць па-італьянску, таму іх задача - супакоіць разгуляных гасцей з Італіі.

У апошнія гады праз пагрозы тэракту правілы зрабілі больш жорсткім - уваход з вялікімі сумкамі і заплечнікамі забаронены.