Караблі ВМС Украіны прайшлі пад Крымскім мостам
7- 23.09.2018, 16:45
- 23,251
Караблі прайшлі пад Крымскім мостам у Керчанскім праліве і накіроўваюцца ў Азоўскае мора.
Караблі Вайскова-марскіх сіл Украіны - пошукава-выратавальнае судна A500 «Данбас» і марскі буксір A830 «Карэц», якія плывуць з Адэсы ў Бердзянск, прайшлі пад Крымскім мостам у Керчанскім праліве і накіроўваюцца ў Азоўскае мора. Пра гэта паведамляе «Украинский милитарный портал», паведамляе segodnya.ua.
«Украінскія вайсковыя караблі пошукава-выратавальнае судна A500 «Данбас» і марскі буксір A830 «Карэц» прайшлі мост, які злучае Таманскі паўвостраў і Крым (Крымскі мост)», - гаворыцца ў паведамленні.
Інфармацыю аб праходжанні караблёў украінскіх ВМС пацвердзіў так званы генеральны дырэктар «дзяржпрадпрыемства «Крымскія марскія парты» Аляксей Волкаў на сваёй старонцы ў «Facebook».
«Украінская» эскадра «ўвайшла ў канал а 13:50 мск і прайшла пад мостам а 15:15. Суправаджэнне забяспечанае!» - напісаў ён.