«Фонтанка» знайшла яшчэ некалькіх калегаў Башырава і Пятрова

Выданне знайшло чарговыя пашпарты «ГРУшнай» серыі.

Сёння выданне «Фонтанка» апублікавала матэрыял, у якім праверыла гіпотэзу The Insider і Bellingcat аб тым, што нумары пашпартоў Пятрова і Башырава, абвінавачаных у замаху на Скрыпаля, належаць да асаблівай «ГРУшнай» серыі.

Нагадаем, гэтая выснова была заснаваная на тым, што ў абодвух агентаў нумары адрозніваліся толькі адной лічбай і былі вельмі блізкія нумары іншага мужчыны, «засвечанага» агента ГРУ - Эдуарда Шышмакова (Шырокава). Калі ў Пятрова і Шырокава нумары заканчваліся на 294 і 297, то ў Шышмакова быў той жа нумар пашпарта, але сканчаўся на 323.

«Фонтанка» высветліла, што наступным пасля Башырава пашпарт з нумарам на ... 95 атрымаў нейкі Крымскі. Сляды прысутнасці чалавека з такімі звесткамі «Фонтанке» ўдалося знайсці толькі ў рэестры выканаўчых спраў ФССП. 16 ліпеня 2015 года на Крымскага міжраённы аддзел судовых прыставаў у спагнанні адміністрацыйных штрафаў №1 Масквы склаў матэрыял.

У якасці месца жыхарства прыцягнутага да адказнасці ў выглядзе штрафу 3000 рублёў за парушэнне ПДР грамадзяніна паказаная Харашэўская шаша, 76 Б. (нагадаем, на паказаным адрасе знаходзіцца штаб-кватэра Галоўнай управы Генштаба Мінабароны).

«Фонтанка» таксама знайшла нейкага Андрэева, нумар пашпарта якога на некалькі адзінак меншы за нумар пашпарта Башырава, і з ім Андрэеў восенню 2016 года лётаў у Бялград (тады ж туды лётаў і Шышмакоў-Шырокаў).

Грамадзянін Андрэеў з завінавачанасцю 500 рублёў за аўтамабільны штраф таксама патрапіў у рэестр выканаўчых спраў ФССП, і ягонае месца жыхарства таксама пазначанае - Харашоўская шаша, 76 Б.

Спадарожнікам Андрэева ў Бялград быў грамадзянін Пацёмкін. Ён, паводле інфармацыі «Фонтанкі», вядомы Расрэестру па куплі зямельнага надзела ў Клінскім раёне Падмаскоўя пад індывідуальнае жыллёвае будаўніцтва, месцам сталага жыхарства грамадзянін указаў выведпадраздзяленне Мінабароны.

Мабыць, Пацёмкіну сімпатычная гэтая абрэвіятура, бо падчас куплі аўтамабіля Nissan X-Trail у 2011 годзе ён месцам жыхарства ўказаў іншы адрас спецслужбы - усё тую ж Харашоўскую шашу, 76 Б. У якасці кантактнага тэлефона мужчына даў маскоўскі сотавы нумар аператара «Мегафон».