Недазволены ў Горадні канцэрт «Лэдзі Панк» адбудзецца ў Беластоку
7- 22.09.2018, 10:46
- 11,190
Сёння а 18-й гадзіне на беластоцкім Рынку Касцюшкі выступіць легенда польскай сцэны - каманда «Лэдзі Панк».
Канцэрт першапачаткова павінен быў прайсці ў Горадні ў час святкавання 30-й гадавіны Саюза палякаў у Беларусі. Аднак улады не дазволілі здзейсніць мерапрыемства, кажа «Радыё Рацыя» старшыня Саюза Анжаліка Борыс:
- Мы хацелі, каб гэты канцэрт адбыўся ў Горадні. Абсалютна не маючы ніякага палітычнага падтэксту. Група «Лэдзі Панк» у Горадні выступала 30 гадоў таму. Але высветлілася, што гэта немагчыма. Мы, вядома, былі гатовыя да таго, што канцэрт можа быць скасаваны.
Дапамогу ў арганізацыі канцэрта аказала самакіраванне Беластока і самакіраванне Падляшскага ваяводства. Канцэрт наведаюць больш за 500 беларускіх палякаў.