На шопінг у Талін: параўноўваем цэны з Менскам
28- 22.09.2018, 9:49
- 46,464
Сярэдні заробак у самай паспяховай краіне былога СССР блізу €1000 чыстымі.
Што рабіць у Эстоніі? Бадзяцца па казачным Таліне. Заехаць у прыемны Пярну. Запаліць ноч на пароме па шляху ў Хельсінкі або Стакгольм. Але гэта план для зануднага еўрапейскага турыста. А мы з Беларусі, а значыць, і дня не можам пражыць, калі штосьці з чымсьці не параўнаем. Напрыклад, лічбы на крамных паліцах, піша «Онлайнер».
Lido, Lacoste, бізнэс з вытрымкай
Пасля Беластока (ватаў-журакаў-ашанаў) ні ад адной з краін на планеце Зямля больш нічога добрага не чакаеш. Ад Эстоніі у тым ліку - ні салодкіх коштаў на шмоткі, ні адэкватных на прадукты ў гіпермаркеце. Неяк гэтая краіна ўвогуле не асацыюецца з месцам, дзе танна і прыемна. Да ўсебеларускага ідэалу ў Падляссі Эстоніі прыкладна як Каба-Вердэ да Бягомля.
Беларусаў тут са зразумелых прычын таксама не чакаюць. Можа, у іншых месцах і не бачылі ні разу. Інфраструктура зробленая на багатых пакупнікоў з Расеі і зусім багатых з Фінляндыі. Практычна адразу высвятляецца: у Эстоніі ўмеюць прадаваць і робяць гэта з густам.
У невялікім Таліне з гандлёвымі цэнтрамі поўны парадак. Стандарт - такія аб'екты маюцца ў кожным раёне горада. І нават у «спальніку» можна сустрэць шыкоўны гіпермаркет. Убрана, весела, гавораць па-расейску. У ГЦ выпісваюць такс-фры. Ездзіць па горадзе, вядома, няма сэнсу: выбар брэндаў прыкладна аднолькавы.
Многія пачынаюць сваю Талінскую закупачную праграму з комплексу Nautica (Ahtri, 9). Ён размешчаны ў порце недалёка ад Старога горада.
Плюс у тым, што ёсць вялікая паркоўка. Першыя дзве гадзіны бясплатна, далей €1 за кожныя 30 хвілін. Брэнды стандартныя: House, Сropp, Sinsay, Monton, H&M і таму падобныя. Летам бываюць зніжкі «да 80%».
У Nautica ёсць вялікі вінна-гарэлачны аддзел. Гэта спецыфіка краіны. У Эстонію прыплываюць шмат рабацяг са скандынаўскіх дзяржаў. Іх мэта, акрамя сузірання прыгажосцяў, - алкашопінг. Бяруць скрынямі віскі і каньяк. І ў горадзе, і на паромах. Некаторыя фіны даязджаюць да Латвіі, дзе яшчэ танней. Вось што аб'ядноўвае нашы народы ў іх замежных вылазках! Праўда, у гэтай частцы Еўропы прасцей з лімітамі.
У Старым горадзе пачынаецца вуліца Віру - галоўная шопінг-артэрыя горада. У наваколлі адразу некалькі буйных крамных комплексаў: Viru Keskus, Foorum, Kaubamaja. Тут можна хутка знайсці, да прыкладу, майку для збору бульбы ад Lacoste. Але наогул-то, можна ў гэты квартал не заходзіць. Цэнтр ёсць цэнтр - кошты не асоба.
На Ратушнай плошчы мае сэнс зазірнуць у найстарэйшую ў Еўропе аптэку. Прынамсі так пазіцыянуе сябе Raeapteek. Дата заснавання не вядомая, але ўжо ў 1422 г у аптэкі быў трэці ўладальнік. У гэтых краях умеюць весці бізнэс на дыстанцыі (у іншых краях гэта часам вельмі цяжка).
У Таліне маецца ГЦ сеткі Stockmann. Гэта для тых, хто любіць больш якаснае. Можна купіць элітнага селядца ў прадуктовым буціку далікатэсаў (хоць самы найлепшы селядзец усё ж у Фінляндыі).
У многіх эстонскіх ГЦ ёсць кафетэрыі Lido. Суб'ектыўна: па якасці гатавання ад нашых нічым не адрозніваюцца. Напэўна, гэта самае бюджэтнае месца ў горадзе, дзе можна паесці нармальнай ежы (не фастфуду). Вось абед на траіх прыкладна за €20:
Як уладкаваны «найлепшы ГЦ Еўропы»
Беларусы, якія жывуць у Таліне, раяць адразу ехаць у гандлёвы цэнтр Ülemiste (Suur-Sojamaee, 4). Гэта ГЦ-гігант, лабірынт для шапаголікаў, а яшчэ, калі верыць сайту комплексу, «найлепшы рэнавіраванный гандлёвы цэнтр Еўропы».
«Самы найлепшы ГЦ» мадэрнізавалі паводле апошніх еўрастандартаў (уключаючы асаблівую падлогу з шурпатай паверхняй для зручнасці перамяшчэння людзей, якія слаба бачаць). Тут велізарны бясплатны паркінг для больш чым 1700 машын. Ёсць пашыраныя сямейныя парковачныя месцы, стаянка для веласіпедыстаў, пункты падсілкоўвання для электракараў, у тым ліку хуткае падсілкоўванне. Усярэдзіне - стандартны набор паслуг, уключаючы планшэты ў зонах адпачынку, гардэроб, шафкі для зарадкі мабільнікаў.
Асаблівасць цэнтра - вялікая ўвага сем'ям з дзецьмі (вядома, што шчаслівая сям'я з дзецьмі пакіне ў ГЦ значна больш грошай, чым эканомныя адзіночкі). Па гучнай сувязі наведвальнікаў інфармуюць пра тое, што можна бясплатна ўзяць у арэнду дзіцячы вазок, скарыстацца мікрахвалёўкай ў пакоі маці, зазірнуць у бясплатныя гульнявыя зоны. Ёсць і платныя, напрыклад вялікая пляцоўка побач з Lido, квіток у якую каштуе €5 (у гадзіну). Нятанна, але зручна.
З адзеннем і абуткам, цацкамі і касметыкай у Ülemiste поўны парадак. Выбіраць ёсць з чаго: акрамя звычайнага «Zara-камплекта», тут і Camel Active, і Marc O'Polo, і Timberland, і Tommy Hilfiger, і Lee Wrangler і гэтак далей. Трохі цэн (цэны як цэны):
Існуе вялікая мультыбрэндавая крама з вялікім выбарам красовак:
Ці паедзе нехта ў Эстонію з Беларусі мэтанакіравана па пакупкі? Ведама не. Але калі вы тут апынуліся з візітам, то чаму б не зазірнуць у найбуйнейшы ГЦ?
Хто каго? Параўноўваем цэны ў супермаркеце
Цяпер галоўнае. Шукаем прыдатную краму для нашай адказнай місіі. Няхай гэта будзе Rimi (у Maxima і Prisma цэны прыкладна такія ж). Нагадваем, што ўсе падобныя параўнанні вельмі ўмоўныя, бо не ўлічваюць ні якасць прадуктаў, ні агульны ўзровень жыцця, ні спадарожныя выдаткі.
Звесткі ў табліцы прыведзены ў беларускіх рублях паводле актуальнага курсу НБРБ.
Некалькі назіранняў
У Эстоніі на паліцах крам поўны мультыкультуралізм. Часам у адной групе тавараў суседнічаюць вытворцы з пяці і больш краін. І бельгійскі сланечнікавы алей можа быць таннейшы за эстонскі, як і цукар з Фінляндыі можа быць таннейшы за мясцовы.
Эстонцы любяць гатаваць нешта на грылі. Гандаль адпавядае. Тут прынята пакаваць і рэбры, і мяса ў кардонныя «валізкі». Ідзеш такі з рэбрамі пад пахай, увесь дзелавы, радуешся жыццю. Ялавічына на стэйк таннейшая за тую, што прапануюць нашы крамы.
Вы ўсё бачылі. Нарэшце гэта здарылася: мы перамаглі! У асноўным прадукты ў Эстоніі даражэйшыя, чым у Беларусі. Але кошты на мяса, як і заўсёды, параўноўваць не зусім карэктна: такой ялавічыны і свініны ў нас няма (справа не толькі ва ўпакоўцы, зразумела).
Зноў правал у сектары туалетнай паперы. З Таліна, думаецца, ні адзін беларус дадому паперу пакуль не вёз. Але мы можам памыляцца.
Польскія яблыкі - самыя танныя яблыкі ў свеце! У Эстоніі гэтая аксіёма таксама працуе.
Не варта забываць, што сярэдні заробак у самай паспяховай краіне былога СССР нешта блізу €1000 чыстымі (гэта значыць на рукі). Розніца ў цэнах пры гэтым не бачыцца прорвай. Але вышэй і спадарожныя выдаткі. Да прыкладу, нашы героі з папярэдняга артыкула зімой плацяць за «камунальныя паслугі» ў кватэры на 90 «квадратаў» €280.
Добра там, дзе нас няма. Наогул, для Беларусі значна важней не бітвы з еўрапейскімі і іншымі дзяржавамі, а бітвы «самі з сабой». А тут мы бачым, што «бензінавы» прынцып (павольна і па капейчыне) працуе і для прадуктаў харчавання - і гаворка, на жаль, не толькі пра курыцу.