Украінскія вайскоўцы вызвалілі хутар Вільны ў Луганскай вобласці
6- 21.09.2018, 21:30
- 28,731
Група разведчыкаў правяла вокамгненную і дзейсную аперацыю.
У Луганскай вобласці ўкраінскія вайскоўцы вызвалілі хутар Вільны, які знаходзіўся пад кантролем прарасейскіх баевікоў, паведамляе ТСН.
Паводле звестак выдання, група ўкраінскіх выведнікаў правяла вокамгненную і дзейсную аперацыю - амаль тры дні збору разведвальнай інфармацыі і 30 хвілін баявых дзеянняў. Аперацыя прайшла без страт сярод украінскіх байцоў.
У выніку, як адзначаецца ў сюжэце, перадавая на паўночны ўсход ад Залатога стала яшчэ бліжэй да дзяржаўнай мяжы.
Паводле папярэдніх падлікаў, на хутары пражывае блізу 80 чалавек. У свой час баевікі выкарыстоўвалі мясцовых жыхароў у якасці жывога шчыта.
Нагадаем, 2 ліпеня стала вядома, што рота глыбіннай выведкі аднаго з падраздзяленняў са складу рэзерву Аб'яднаных сіл правяла аперацыю вызвалення і ўзяцця пад кантроль населенага пункта Залатое-4 Луганскай вобласці.