Ашчадбанк РФ страціў на фоне санкцый $1,2 мільярда прыватных укладаў
2- 21.09.2018, 16:30
- 10,660
Расейцы актыўна здымалі грошы з валютных дэпазітаў.
Цягам жніўня расейцы на фоне новых санкцый ЗША і пагрозы забароны даляравых разлікаў для дзяржбанкаў знялі з валютных дэпазітаў Ашчадбанка 1,2 млрд даляраў. Пра гэта паведамляе finanz.ru са спасылкай на Bloomberg. Астатнія банкі Расеі страцілі блізу 300 млн даляраў.
Пры гэтым у канцы месяца Ашчадбанк для ўтрымання кліентаў падняў максімальную стаўку ў даляравых дэпазітах больш чым удвая - з 1,35% да 3% і адначасова ўпершыню з 2014 года павялічыў даходнасць рублёвых дэпазітаў.
У Ашчадбанку заявілі, што пры аб'ёме валютнай часткі балансу 94-95 млрд даляраў адток сродкаў з укладаў варта расцэньваць як «вынік кіраванай эвалюцыі балансу банка». У той жа час агулам аб'ём валютных дэпазітаў у Ашчадбанку з пачатку года знізіўся на 10%.