Расейцы разгубілі свабодныя грошы

У насельніцтва застаецца на руках усё менш грошай пасля марнавання на неабходныя тавары і паслугі.

Паводле ацэнак холдынгу "Рамір", у мінулым месяцы аб'ём "свабодных грошай" у Расеі знізіўся ў параўнанні з ліпенем на 12,9%, да 23,6 тысячы рублёў, піша finanz.ru.

У жніўні аб'ём свабодных грошай у расейскіх сем'ях знізіўся пасля рэкорднага падвышэння ў чэрвені і ліпені, адзначаюць аналітыкі холдынгу. Жнівеньскае значэнне індэкса выявілася нават ніжэйшым, чым значэнні красавіка і траўня.

"Сезон адпачынкаў заканчваецца, жыхары краіны вяртаюцца ў ранейшы графік і рыхтуюцца да восені, павялічваючы неабходныя марнаванні, напрыклад, на прадукты і тавары паўсядзённага попыту, а таксама бытавыя паслугі», - канстатуюць у "Раміры".

Самае вялікае падзенне - на 16%, або 4,6 тысячы рублёў - адбылося ў гарадах з насельніцтвам ад 500 тысяч да 1 млн чалавек.

"На другім месцы - "мільённікі". У мегаполісах ІСГ знізіўся на 12,6%, або на 4,4 тысячы рублёў. У жыхароў гарадоў з насельніцтвам ад 100 да 500 тысяч чалавек аб'ём свабодных грошай паменшыўся на 10,1%, або на 1,9 тысячы рублёў", - адзначае "Рамір".

Тым часам рэальныя даходы расейцаў аднавілі падзенне. Зніжэнне паказчыка - на 0,9% за жнівень - было зафіксаванае афіцыйнай статыстыкай упершыню са снежня мінулага года.

У сярэднім, на ацэнку Расстата, грамадзяне РФ атрымлівалі ў жніўні па 31818 рублёў. І хоць у намінальным вылічэнні даходы павялічыліся - на 2,7%, або 846 рублёў - усе дадатковыя грошы згарэлі ў інфляцыі.