Фотафакт: «Шэдэўры» архітэктуры ад беларускіх будаўнікоў

Экстрэмальныя пандусы, ямачны рамонт, адкрытая халтура і непісьменнасць праекціроўшчыкаў.

«У іх усё для людзей!» - гэта, бадай, самае першае ўражанне беларускага турыста ад убачанага за мяжой. Успамінаюць пра архітэктуру, зручную інфраструктуру, роўныя дарогі, веладарожкі і ўсё астатняе, піша tut.by.

Турыстычная Беларусь таксама мае глянец, галоўнае, не адхіляцца ад маршруту. Бо там, у старых дварах і на другарадных вуліцах - усё тое, што зроблена толькі для нашых людзей: экстрэмальныя пандусы, ямачны рамонт, адкрытая халтура і непісьменнасць праекціроўшчыкаў. Глядзіце, якія «шэдэўры» даслалі ў рэдакцыю гэтым разам:

Дзіўныя аб'екты ў мінімалісцкім стылі сустракаюцца яшчэ на нашых прадпрыемствах. Вось такое фота нам даслалі з Наваградка з лаканічным тлумачэннем: «прыбіральня на заводзе НЗМК». Турыст будзе здзіўлены гарантавана.

Чым займаецца АAТ «Пеленг»? Акрамя ўсяго іншага - сур'ёзнымі аптычнымі прыборамі. У іх у прыбіральні нават асаблівыя люстэркі - з асіметрычным размяшчэннем.

На гэтым фота - мантаж радыятара ў 4-й гарадской паліклініцы Менска ад прадстаўнікоў сантэхнікаў старой школы.

Рамонт дарогі ў вайсковым гарадку ва Уруччы, каля Дома афіцэраў. Яму ў жвіровым пакрыцці надзейна заладзілі асфальтам. Гэта прарыў - звычайна ўсё наадварот.

Дарожнікі ў Наваполацку (раён Падкасцёльцы) нядаўна нанеслі разметку пешаходным пераходам на новае асфальтаванае пакрыццё. Аўтар фота паведамляе, што «першапачаткова была зробленая спроба нанесці разметку «накасую», яна прыводзіла б на пешаходную дарожку. Але потым вызначылі зрабіць «напрасткі» і праклалі праз газон новую вузкую дарожку. Старая цяпер сама па сабе і ўпіраецца ў праезную частку.

Часам здаецца, што здаровы сэнс і ходнікі адзін з адным не знаёмыя. На фота ніжэй - дарожка паміж дамамі 58 і 62 на вуліцы Сухараўскай у Магілёве. Як атрымалася, што яна часткова не мае пакрыцця?

Асобная гісторыя ў нас са слупамі. Калі іх ставяць пасярод вузкіх ходнікаў або пешаходнага пераходу, хто і пра чыю выгоду клапоціцца? На фота - пераход на вуліцы Чапаева ў Менску.

Гэты знак стаіць на ходніках на вуліцы Макаёнка, паміж дамамі 3 і 5.

Гэтыя знакі ўваткнулі проста па цэнтры вузкай дарожкі каля чыгуначнай станцыі Менск Паўднёвы.

Вада на пешаходным пераходзе насупраць дома №28 на вуліцы Голубева ў Менску ў ліўневую каналізацыю не сыходзіць, лужына пасля дажджу доўга не высыхае. Звярніце ўвагу на надпіс: «Вазьміце дзіця за руку». Чаму не дапісалі «...і пераскочце»?

Ліўнёўкі, ухілы, улік асаблівасцяў рэльефу - пра гэта, відавочна, у нашай краіне ўспамінаюць пасля дажджоў. Вось глядзіце на фота вышэй, як у Мачулішчах зрабілі дарогу ў школу. «Зрабілі добрую справу, паклалі асфальт, - піша чытач. - Дождж прайшоў у той жа дзень, яшчэ тэхніку не паспелі вывезці. Але лужына нікога з прарабаў не збянтэжыла. А дзеці, яны такія знаходлівыя...Знойдуць шляхі абыходу! »

Паркоўка каля дома №9 на вуліцы Шабаны. Нам паведамляюць, што яе рамонт доўжыўся больш за год - і вось вынік пасля начнога дожджыку. Вада стаіць днямі, не сыходзіць. Да аўтамабіля можна падысці толькі ў гумовых ботах!

Вось такая дарожка вядзе на стадыён ГДУ імя. Ф. Скарыны ў Гомелі. Некалькі гадоў таму паставілі агароджу, і дарожка цяпер упіраецца проста ў яе! А побач брамка, да якой пратаптаная «народная сцежка». Стадыён агульнадаступны, таму вельмі шмат мам з вазкамі шпацыруюць на яго тэрыторыі вечарамі.

У Менску, на вуліцы Нёманскай, у доме №40 спатрэбіўся асобны ўваход у падвальнае памяшканне. Будаўнікі і праекціроўшчыкі знайшлі выйсце са становішча: проста на пешаходнай дарожцы вырылі яму і ўкапалі бетонную лесвіцу для спуску ў склеп. А пешаходы павінны пераскокваць поручні або лётаць?

Некаторыя аб'екты можна наогул назваць «экстрэмальнай архітэктурай». Чытач з Берасця выказаў здагадку, што знайшоў пандус-трамплін. Зрэшты, гэта проста месца для разгрузкі тавараў.

А гэта пандус у пад'ездзе шматпавярховіка ў Гародні.

У Гомелі не да экстрыму - тут за бяспеку. І за марнасць - хто растлумачыць нам прызначэнне гэтых парэнчаў у розных дамах на вуліцы Мазурава ў Гомелі?