Еўракамісія разглядае шляхі ўмацавання еўра
- 14.09.2018, 17:46
- 8,692
Еўра з'яўляецца другой рэзервовай валютай свету, аднак у Еўракамісіі ўжо шукаюць шляхі ўзмацнення яе вагі.
Пра гэта віцэ-прэзідэнт Еўракамісіі Валдзіс Дамброўскіс заявіў у выступе на форуме Ялцінскай еўрапейскай стратэгіі (YES), паведамляе карэспандэнт «Европейской правды».
«Еўра ўжо з'яўляецца асноўнай рэзервовай валютай свету, дакладней - другой рэзервовай валютай. Аднак гэта не мяжа. Як вы ведаеце, на мінулым тыдні мы прынялі дакумент, які ставіць задачу павялічыць вагу еўра ў сусветным гандлі. Цяпер мы будзем шукаць шляхі для рэалізацыі гэтай мэты», - заявіў ён.
«Таму калі вы пытаецеся, ці будзем мы павялічваць вагу еўра, то адказ будзе станоўчы», - рэзюмаваў Дамброўскіс.