Відэафакт: У Светлагорску знеслі 60-метровую воданапорную вежу

Перад зруйнаваннем яе спрабавалі прадаць з аўкцыёну за $4 тысячы.

У чацвер, 13 верасня, у цэнтры Светлагорска абрынулася воданапорная вежа, пабудаваная ў шасцідзясятыя гады мінулага стагоддзя, паведамляе мясцовае выданне «Ранак».

Зруйнаваць 56-метровы гмах атрымалася з дапамогай гідрамолата, не ладзячы выбух, «калос» паваліўся ціха і мірна. Каб дэмантаваць вежу адміністрацыя звярнулася па дапамогу да сталічных спецыялістаў. Старую воданапорную вежу побач з аўтастанцыяй у Светлагорску руйнавала менская фірма «Фаер фокс».

- Дэмантаж вежы выконвалі тры спецыялісты. Ужывалася найноўшая сучасная тэхналогія, - распавёў журналістам дырэктар фірмы Вячаслаў Кулак.

Галоўнае, што трывожыла пры зруйнаванні: блізкасць да вежы жылых дамоў і праезнай часткі. На шчасце, абышлося без эксцэсаў.

Цяпер спецыялістам трэба разабраць тую груду жалезабетону, у якую ператварылася легендарная салігорская вежа.