Алега Сянцова намінавалі на прэмію Сахарава
- 12.09.2018, 20:32
- 7,637
Прэмія Сахарава за свабоду думкі з'яўляецца штогадовай узнагародай Еўрапейскага парламента.
Еўрапейская народная партыя, найбуйнейшая фракцыя ў Еўрапейскім парламенце, намінавала незаконна зняволенага ў Расеі ўкраінскага рэжысёра Алега Сянцова на атрыманне прэміі Сахарава.
Пра гэта ў Twitter паведаміў брусэльскі карэспандэнт «Радио Свобода» Рыкард Джозвяк.
«Самая вялікая палітычная група ў Еўрапарламенце вылучыла Сянцова на прэмію Сахарава 2018 года», - напісаў Джозвяк.
The biggest political group in the European Parliament has nominated #Sentsov for the 2018 #Sakharovprize. #Ukraine #Russia #Crimea
— Rikard Jozwiak (@RikardJozwiak) 12 сентября 2018 г.
На мінулым тыдні ён паведамляў, што кандыдатуру Сянцова таксама падтрымліваюць яшчэ дзве парламенцкія групы. Імя лаўрэата абвесцяць у канцы кастрычніка.
Прэмія Сахарава за свабоду думкі з'яўляецца штогадовай узнагародай Еўрапейскага парламента. Яна заснаваная ў 1988 годзе і ўручаецца ў чатырох абласцях, між іншым у галіне абароны правоў чалавека і яго асноўных свабод.