У лесе пад Берасцем застрэліўся міліцыянт
- 12.09.2018, 19:10
- 24,402
Інфармацыю аб надзвычайным здарэнні пацвердзілі афіцыйныя структуры.
Супрацоўніка крымінальнага вышуку Маскоўскага РАУС Берасця сёння блізу 15:00 знайшлі ў лесе пад Берасцем з агнястрэльнай ранай.
Пра гэта з уласных крыніц даведаўся журналіст «Первого региона».
Прэс-служба УУС Берасцейскага аблвыканкама пацвердзіла выданню інфармацыю пра самагубства.
Цяпер праваахоўнікі праводзяць праверку інцыдэнту, каб высветліць прычыны здарэння.
Афіцыйнага паведамлення прэс-службы МУС паводле гэтай справы яшчэ не было.