Змяніліся правілы аўтамабільных перавозак

Яны закрануць кожнага пасажыра.

Пастановай савета міністраў Беларусі ад 2018.08.31 года №636 унесеныя змены і дапаўненні ў Правілы аўтамабільных перавозак. Дакумент быў апублікаваны ўчора на Нацыянальным прававым партале, піша «Вечерний Брест».

Новаўвядзенні паўплываюць на патрабаванні да афармлення і абсталявання аўтамабіляў-таксовак, умовы выканання таксістамі перавозак. У паняційны апарат увядуць тэрмін «валідатар», прыладу для праверкі праязных квіткоў і пропускаў. Падчас міжгародніх перавозак нумар месца можа не паказвацца, калі для гэтага няма тэхнічных магчымасцяў.

Змены закрануць рэзерваванне праязных месцаў і продаж квіткоў. Для пасажыраў стане магчымым рэгулярнае выкарыстанне электронных квіткоў пры аўтамабільных перавозках пасажыраў у рэгулярных злучэннях. Арганізацыя міжгародніх міжабласных аўтамабільных перавозак пасажыраў у рэгулярных злучэннях арганізуецца мясцовымі выканаўчымі і распарадчымі органамі абласнога тэрытарыяльнага ўзроўню. Іншым будзе падыход да «безбілетных» грамадзян.

Пастанова №636 уваходзіць у дзеянне праз месяц пасля яе афіцыйнага апублікавання.