У Менску мужчына спрабаваў скрасці ў пад'ездзе ровар, але заснуў
4- 21.08.2018, 20:15
- 12,424
Мянчук правёў усяго толькі два дні на волі і трапіўся на крадзяжы ровара.
Пра гэта паведамляе «Минск-Новости».
Затрымаў зламысніка сам пацярпелы: ён з сынам вяртаўся дадому і ля пад'езда нос да носа сутыкнуўся з мужчынам, што выносіў яго ровар, які стаяў на лесвічнай пляцоўцы 5-га паверха. Гаспадар пацікавіўся, куды незнаёмец накіроўваецца з чужым транспартам, на што атрымаў адказ: «На дыягностыку».
Грамадзянін выхапіў з рук злачынцы свой двухколавік. Ад нечаканасці той страціў раўнавагу, зваліўся на зямлю і нават не паспрабаваў падняцца.
Пацярпелы выклікаў міліцыю і хуткую. Медыкі, якія прыехалі ўстанавілі, што мужчына моцна спіць. Прачнуўшыся, ён распавёў, што ў той дзень ужыў прыкладна 15 таблетак трамадолу.
У дачыненні да затрыманага распачатая крымінальная справа паводле ч. 2 арт. 205 КК Рэспублікі Беларусь, санкцыі якой прадугледжваюць да 4 гадоў пазбаўлення волі.