The Washington Post назвала найлепшыя фільмы 21-га стагоддзя
2- 21.08.2018, 15:06
- 14,699
Фільмы ХХI стагоддзя павінны заняць важнае месца ў гісторыі кінематографа.
Рэдакцыя выдання The Washington Post (пераклад - nv.ua) склала спіс з 23 найлепшых фільмаў, знятых у XXI стагоддзі. Рэйтынг атрымаў назву «Новы канон».
Складальнікі падборкі вызначылі давесці, што ў рэйтынгі найлепшых фільмаў у гісторыі кіно могуць уваходзіць не толькі такія прызнаныя стужкі мінулага стагоддзя, як, напрыклад, «Галавакружэнне» Альфрэда Хічкока і «Грамадзянін Кейн» Орсана Уэлса, але і больш сучасныя стужкі.
Аўтары спісу сцвярджаюць, што фільмы ХХI стагоддзя таксама вартыя ўвагі гледачоў і павінны заняць важнае месца ў гісторыі кінематографа.
«Гэта пералік прызнаных фільмаў, якія дапамаглі сфармаваць кінематаграфічную мову, здолелі перадаць дух часу і вытрымалі выпрабаванне гісторыяй. Яны сталі сапраўдным прыкладам у галіне эстэтыкі, тэхнікі, граматыкі і густу», - кажуць экспэрты The Washington Post.
Выданне таксама адзначае, што фільмы прадэманстраваныя без дакладнай іерархіі, у адвольным парадку.
Найлепшыя фільмы ХХI стагоддзя паводле версіі The Washington Post:
«Дзіцё чалавечае», рэжысёр Альфонса Куарон (2006),
«25-я гадзіна», рэжысёр Спайк Лі (2002)
«Уладар буры», рэжысёр Кэтрын Бігелоў (2008)
«Майкл Клейтан», рэжысёр Тоні Гілрой (2007)
«Лабірынт Фаўна», рэжысёр Гільерма дэль Тора (2006),
«Нафта», рэжысёр Томас Пол Андэрсан (2007)
«Малалецтва», рэжысёр Рычард Лінклейтэр (2014)
«4 месяцы, 3 тыдні і 2 дні», рэжысёр Крысціян Мунджыў (2007)
«Старая радасць», рэжысёр Кэлі Райкардт (2006),
«Вечнае ззянне чыстага розуму», рэжысёр Мішэль Гондры (2004)
«Голад», рэжысёр Стыў МакКуін (2008)
«Можаш разлічваць на мяне», рэжысёр Кэнэт Ланэрган (2000)
«Старым тут не месца», рэжысёры браты Коэн (2007)
«Мяне там няма», рэжысёр Тод Хэйнс (2007)
«Асаблівае меркаванне», рэжысёр Стывен Спілберг (2002)
«Дзюнкерк», рэжысёр Крыстафер Нолан (2017)
«Ферма Мадбаўнд», рэжысёр Дзі Рыс (2017)
«У цэнтры ўвагі», рэжысёр Том МакКарці (2015)
«Сын Саула», рэжысёр Ласла Немеш (2015)
«Гісторыі, якія мы расказваем», рэжысёр Сара Полі (2013 года)
«Туман вайны», рэжысёр Эрал Морыс (2003)
«Сямейка Тэненбаўм», рэжысёр Уэс Андэрсан (2001)
«Скрадзеныя прывідамі», рэжысёр Хаяё Міядзакі (2001)
