МТС з 1 верасня падвышае тарыфы на свае паслугі
12- 21.08.2018, 12:30
- 18,178
Змены закрануць кошты асноўных і дадатковых паслуг.
МТС праінфармаваў абанентаў аб падвышэнні тарыфаў на асноўныя паслугі мабільнай сувязі да 2,9 адсоткаў да ўзроўню сённяшніх тарыфаў з 1 верасня 2018 года.
Зменіцца кошт асноўных паслуг электрасувязі і некаторых дадатковых паслуг. Тарыфы на фіксаваную сувязь і роўмінг застануцца без зменаў.
Падвышэнне абумоўлена развіццём інфраструктуры і ўкараненнем новых тэхналагічных развязанняў у мэтах падвышэння якасці паслуг.
Інфармацыя пра новыя тарыфы для фізічных асоб і юрыдычных асоб размешчаная на афіцыйным сайце кампаніі МТС. Падрабязнасці можна даведацца ў салонах сувязі, а таксама патэлефанаваўшы ў кантактны цэнтр.