Tagesspiegel: Сапраўдныя санкцыі супраць Расеі толькі пачынаюцца

Ранейшыя «драконаўскія санкцыі» пададуцца расейцам «кветачкамі».

Старшыня прэзідыума Рады ў замежнай і абароннай палітыцы Расеі Фёдар Лук'янаў кажа ў інтэрв'ю Tagesspiegel аб тым, што новы санкцыйны раўнд супраць Расеі - прадукт унутрыпалітычнай барацьбы ў ЗША.

"Першапачаткова санкцыі былі ўведзеныя ў сувязі з крызісам ва Украіне. Яны павінны былі прымусіць Расею змяніць яе палітыку. Але вынік дасягнуты не быў. Іх наступствы абмежаваліся запаволеннем тэмпаў эканамічнага росту на фоне бар'ераў на шляху супрацоўніцтва з замежнымі партнёрамі. З іншага боку, яны нават мелі пазітыўны эфект дзякуючы скарачэнню імпарту харчовых тавараў, і станоўча адбіліся на развіцці айчыннага вайскова-прамысловага комплексу", - адзначае суразмоўца нямецкага выдання.

"Цяперашнія санкцыі не маюць ніякага дачынення да Украіны, - працягвае Лук'янаў. - Вось ужо год іх увядзенне аргументуецца як аб'ектыўнымі, так і суб'ектыўнымі абвінавачваннямі на адрас Расеі. "Справа Скрыпалёў"- не навіна, да ЗША яна не мае ніякага дачынення. Такім чынам, у Расеі ўсё больш пераконваюцца ў тым, што прычыну для ўвядзення санкцый варта шукаць не ў нейкіх аспектах расейскай палітыкі, а ў жаданні амерыканскага кіраўніцтва націснуць на Расею, аналагічна таму, як ціснуць на Іран. Сапраўдныя санкцыі толькі пачынаюцца, і ў выпадку фінансавай блакады пагражаюць значна больш сур'ёзныя наступствы. Расеі няпроста будзе прыстасавацца”.

"Новы санкцыйных раўнд, - мяркуе расейскі палітолаг, - з'яўляецца, відавочна, прадуктам унутрыпалітычнай барацьбы ў ЗША. Няма сумненняў у тым, што пакет санкцый будзе прыняты: уся санкцыйная логіка дагэтуль паказвала толькі на абвастрэнне сітуацыі. Але калі наступствы для ЗША дагэтуль мелі абмежаваны характар, на ЕЗ яны адбіваліся негатыўна ў эканамічным плане. Аднак паколькі ў ЕЗ не назіраецца адзінства, незалежнай важкай агульнаеўрапейскай пазіцыі аб расейскім пытанні чакаць не даводзіцца". Пры гэтым, заўважае Лук'янаў, з гэтага курсу ЗША мог бы збіць супраціў з боку ЕЗ, Расеі і Кітая.

Што да "люстраных санкцый" з боку Расеі, то, на думку палітолага, пра іх не можа быць і гаворкі. "Злучаныя Штаты кантралююць усю сусветную фінансавую сістэму і здольныя ціснуць на многія краіны. У гэтым плане яны значна пераўзыходзяць Расею. З іншага боку, насельніцтва Расеі было б гатова вынесці і больш сур'ёзныя санкцыі, чым амерыканскія. Але давайце уявім, што Расея спыніла пастаўкі тытана для Boeing, тым самым зрабіўшы ўдар па супрацоўнікам кампаніі. Яны ж выбарцы. Аднак гэтага не адбудзецца. Расея аддае перавагу дзейнічаць не імгненна, а на перспектыву: узмацняючы залежнасць эканомікі ЗША, шукаючы слабыя месца ў амерыканскай замежнай палітыцы і працуючы над стасункамі на Блізкім Усходзе і з Кітаем".

На думку Лук'янава, сэнсу для новых сустрэч на вышэйшым узроўні найбліжэйшы час няма, бо сёння Расея ператварылася "ў інструмент унутрыпалітычнай барацьбы" ў ЗША.