У Беларусі з'явіліся новыя схемы махлярства з крыптавалютамі

Схема была выпрабаваная ў Барысаве.

Падраздзяленне ўправы Следчага камітэта Менску расследуюць крымінальныя справы, у якіх фігуруюць лічбавыя валюты. Такая інфармацыя з'явілася на сайце ўстановы, піша neg.by.

Пакуль народ разбіраецца, як купляць, захоўваць, абменьваць крыптавалюту, а юрыдычныя асобы - як праводзяць аперацыі з ёй у бухгалтарскім уліку, аматары лёгкай нажывы выпрабоўваюць новыя ашуканскія схемы.

Кастрычніцкі раённы аддзел Следчага камітэта сталіцы распачаў крымінальную справу ў дачыненні да 21-гадовага жыхара Барысава. Мужчына размясціў у інтэрнэце аб'яву аб продажы крыптавалюты, якую надумаў купіць жыхар Гародні.

Падчас сустрэчы ў Менску «прадавец» прадэманстраваў мабільны дадатак, які імітуе залічэнне крыптавалюты на рахунак. А гарадзенец перадаў яму гатоўкай 14 тысяч рублёў. Аднак вярнуўшыся дадому, ён выявіў, што ніякага пералічэння не было, а прадэманстраваны дадатак працаваў у тэставым рэжыме.

У дачыненні да барысаўца распачатая крымінальная справа паводле ч. 3 арт. 209 (махлярства, учыненае ў вялікай суме) Крымінальнага кодэкса.

Яшчэ адна крымінальная справа паводле ч. 2 арт. 349 (несанкцыянаваны доступ да кампутарнай інфармацыі, зладжаны з карыслівай зацікаўленасці) Крымінальнага кодэкса распачатая Заводскім (г.Менска) раённым аддзелам Следчага камітэта. У снежні 2017 гады - студзені 2018 года неўстаноўленая асоба з асабістай зацікаўленасці ажыццявіла несанкцыянаваны доступ да мультыпартманэту крыптавалют, што належыць 44-гадоваму менчуку. У выніку выкрадзена крыптовалюта на суму больш як 6,3 тысяч рублёў у эквіваленце.

Следчы камітэт Беларусі паведамляе, што гэта не адзінкавыя выпадкі махлярства з крыптавалютамі, і заклікае грамадзян асцярожна ставіцца да прапаноў аб куплі/продажы біткойнаў, лайткойнаў ды іншае, улічваючы іх абмежаваную распаўсюджанасць і асаблівасці заканадаўчага рэгулявання ў нашай краіне.

Адзначым, што беларускія следчыя ўважліва вывучаюць міжнародны досвед у гэтай сферы. Напрыклад, падчас міжнароднай навукова-практычнай канферэнцыі арганізаванай СК Беларусі, што прайшла ў Менску ў красавіку 2018 года, дзве з чатырох асноўных тэм прысвячаліся арганізацыі расследавання злачынстваў у сферы высокіх тэхналогій і злачынстваў, прадметам ці сродкам учынення якіх з'яўляюцца крыптавалюты.