Турцыя паскардзілася на ЗША ў СГА
- 20.08.2018, 21:51
- 10,476
Турэцкая ліра працягвае страчваць у кошце да даляра.
Турцыя ініцыявала разгляд у Сусветнай гандлёвай арганізацыі (СГА) у сувязі з пастановай ЗША павысіць мыты на турэцкую сталь і алюміній, паведамляе «Новое время».
«У сувязі з згаданымі дадатковымі мытамі наша краіна запрасіла ЗША на дэбаты ў СГА. Такім чынам, быў ініцыяваны судовы разбор праз павышэнне ЗША тарыфаў на экспартаваныя Турцыяй сталь і алюміній», - цытуе Анадолу заяву Мінгандлю Турцыі.
У ведамстве ўдакладнілі, што акрамя Турцыі, у СГА супраць ЗША запусцілі разбор гандлёвых спрэчак Індыя, Кітай, Швейцарыя, Нарвегія, Канада, Расея, Мексіка і Еўрапейскі Звяз.
Нагадаем, што прэзідэнт ЗША Дональд Трамп распарадзіўся ўдвая падняць мыты на алюміній і сталь з Турцыі.
Раніцай у панядзелак курс даляра ў Турцыі пачаў расці з адзнакі 5,99 ліры. Даляр вырас на 1,94% і стаў роўны 6,12 ліры.