Названая самая зялёная сталіца ЕЗ
4- 20.08.2018, 20:50
- 15,356
Больш за 61% сталіцы Славеніі занята паркамі, садамі і скверамі.
Нямецкі даследчык-урбаніст Філіп Гартнер прааналізаваў спадарожнікавыя здымкі еўрапейскіх сталіц і высветліў, што сталіца Славеніі Любляна - самая зялёная ў ЕЗ. Больш 61% яе тэрыторыі занята паркамі, садамі, скверамі і іншымі зялёнымі зонамі, піша «Европульс».
У агульнаеўрапейскім «заліку» Любляна заняла трэцяе месца. Яе абагналі Сараева, сталіца Босніі і Герцагавіны, і Вадуц, сталіца Ліхтэнштэйну - у абодвух гарадах зеляніна займае больш за 67% тэрыторыі.
Усяго Гартнер ранжыраваў 43 еўрапейскія гарады. Найменш зялёнай апынулася сталіца Грэцыі Афіны: усяго 9% тэрыторыі там займаюць сады і паркі. Масква заняла 37-ю пазіцыю, тут на зеляніну прыпадае болей за 14% тэрыторыі.
У асобную катэгорыю даследчык вылучыў сталіцы на ўзбярэжжы. Самая зялёная «марская» сталіца ў Еўропе - Манака (дзе 43% занята зелянінай), а на іншым канцы шкалы - Валета (толькі 10% займае зеляніна).