Глеб: Перад пачаткам сезона стаяла мэта - паспрабаваць прабіцца ў групу ЛЧ
- 20.08.2018, 20:35
- 10,230
Футбаліст БАТЭ даў свой прагноз на матч з ПСВ.
Паўабаронца БАТЭ Аляксандр Глеб падзяліўся чаканнямі ад матчу Лігі чэмпіёнаў супраць ПСВ, паведамляе «Прессбол».
- Спаборнік моцны. Маладая каманда, якая паказвае прыгожы, відовішчны футбол. Будзе цяжка. Тым не менш да першай гульні шанцы 50 на 50.
- Маладосць цяперашняга ПСВ - для БАТЭ гэта плюс ці мінус?
- Усё стане ясна на полі. Мы настройваемся вельмі сур'ёзна - гульня будзе цяжкай. Вядома, нам будуць дапамагаць родныя заўзятары і сцены. А таксама матываваць каманду яшчэ больш. Хоць матывацыі ў нас і так стае.
- Еўракубкавую восень БАТЭ ўжо забяспечыў. Гэта расслабляе?
- Ніколькі. Яшчэ перад пачаткам сезону стаяла максімальная мэта - паспрабаваць прабіцца ў групу Лігі чэмпіёнаў. І мы ўсе для гэтага робім. Ніякай расслабленасці.
- Гэта значыць адчування зробленай справы няма?
- Цалкам дакладна. Разбіраем суперніка і рыхтуемся даць бой, - сказаў Глеб.
Першы матч у супрацьстаянні раўнда плэй-оф Лігі чэмпіёнаў БАТЭ - ПСВ пройдзе 21 жніўня на «Барысаў-Арэне» і пачнецца а 22.00 паводле беларускага часу.