Літва заклікала РФ неадкладна вызваліць Алега Сянцова
4- 20.08.2018, 15:42
- 7,045
Заўтра спаўняецца 100 дзён з пачатку галадоўкі ўкраінскага рэжысёра ў расейскай турме.
Літва заклікала Расею вызваліць з турмы ўкраінскага рэжысёра Алега Сянцова і іншых украінскіх палітвязняў.
Як паведамляе «Европейская правда», пра гэта напісаў у Twitter кіраўнік МЗС Літвы Лінас Лінкявічус.
«Заўтра спаўняецца 100 дзён з пачатку галадоўкі Алега Сянцова ў расейскай турме. Алег знаходзіцца на мяжы жыцця і смерці. Мы зноў заклікаем Расею неадкладна вызваліць незаконна затрыманага, нявіннага чалавека і астатнія палітычных зняволеных Украіны», - гаворыцца ў паведамленні.
Tomorrow marks 100 days of O. Sentsov’s hunger strike in Russian prison. Oleg is on the verge of life and death. We call on #Russia once again to immediately release the illegally detained, innocent man and the rest of #Ukraine’s political prisoners. #FreeSentsov #SaveOlegSentsov pic.twitter.com/uBzHSXChYa
— Linas Linkevicius (@LinkeviciusL) 20 августа 2018 г.
14 траўня Алег Сянцоў абвясціў галадоўку з патрабаваннем адпусціць усіх украінцаў, якія змяшчаюцца ў расейскіх турмах.
Паводле звестак адваката Дзмітрыя Дзінзэ, на 7 жніўня пульс у Сянцова запаволіўся да 40 удараў у хвіліну, у вязня дрэнна з сэрцам, але на лякарню ў Лабытнангі ён не згаджаецца, а пералёт можа не перажыць.