Брытанія дазволіць мігрантам з ЕЗ застацца нават без пагаднення аб Brexit

Вялікабрытанія дазволіць мігрантам з ЕЗ надалей атрымліваць доступ да медыцынскай дапамогі і прэтэндаваць на льготы.

Еўрапейцам будзе дадзенае права заставацца ў Вялікабрытаніі нават у выпадку, калі Лондан і Брусэль не дамовяцца аб пагадненні наконт Brexit.

Пра гэта гаворыцца ў планах брытанскага ўрада, якія апублікуюць у чацвер, паведамляе eurointegration.com cа спасылкай на The Telegraph.

Урад Тэрэзы Мэй падрыхтаваў больш за 80 дакументаў, якія дэталізуюць планы на выпадак сцэнару без пагаднення ў розных сектарах эканомікі.

Вялікабрытанія дазволіць мігрантам з ЕЗ далей атрымліваць доступ да медыцынскай дапамогі і прэтэндаваць на льготы, бо астатнія планы ўрада Вялікабрытаніі, якія прадугледжваюць імклівы выхад з блока, "спадзяюцца на лаяльнасць існай рабочай сілы".

Гэта прапанова будзе выкарыстаная незалежна ад таго, ці будуць брытанскія мігранты ў еўрапейскіх краінах ЕЗ мець такія ж правы.

Вялікабрытанія і ЕЗ павінны прыйсці да згоды аб дамове наконт Brexit да кастрычніка, каб даць час парламентам усіх краін ратыфікаваць яе. Абедзве стараны заяўляюць, што імавернасць выхаду без пагаднення досыць вялікая.

Вялікабрытанія выйдзе са складу ЕЗ 29 сакавіка 2019 года.