Відэагіт: Дэльфіны паказалі відавочцам незвычайны стыль рыбалкі
- 20.08.2018, 10:19
- 8,294
Добра спланаваная работа дэльфінаў у камандзе дзівіць.
Калі паглядзець на кадры, знятыя ў Паўднёвай Караліне (ЗША), то ў першы момант можна пашкадаваць дэльфінаў, якія як быццам з неасцярожнасці выкінуліся на бераг, піша 120.su.
Аднак, гэты нібыта няшчасны выпадак зусім такім не з'яўляецца - гэта частка добра спланаванай рыбалкі, якая патрабуе хуткасці, умення працаваць у камандзе і выдатнага майстэрства.
Некалькі дэльфінаў збіраюцца ў чараду і гоняць рыбу да берага, так што ў ахвяр не застаецца іншага выйсця, акрамя як выскокваць на пясок.
Тады дэльфіны хапаюць здабычу, а пасля, робячы целам энэргічныя рухі, вяртаюцца назад у ваду.