У Беларусі змяніўся ўрад
145- 18.08.2018, 12:57
- 141,901
Сяргей Румас змяніў Андрэя Кабякова на пасадзе прэм'ера.
Адпаведныя кадравыя пастановы агучыў Лукашэнка, паведамляе карэспандэнт БелТА.
Прэм'ер-міністрам Беларусі прызначаны Сяргей Румас, які дагэтуль узначальваў Банк развіцця.
Першым намеснікам прэм'ер-міністра прызначаны Аляксандр Турчын, дагэтуль кіраўнік апарата савета міністраў.
Намеснікам прэм'ер-міністра прызначаны Ігар Ляшэнка. «Ён знаходзіцца ў камандзіроўцы, ён у курсе справы. Будзе курыраваць пытанні, якімі займаўся Уладзімір Сямашка.
Дагэтуль Ігар Ляшэнка ўзначальваў канцэрн «Белнафтахім». Намеснікам прэм'ер-міністра таксама прызначаны Уладзімір Кухараў. Дагэтуль ён працаваў на пасадзе намесніка старшыні КДК.
«Ён будзе курыраваць пытанні будаўніцтва, ЖКГ, транспарту. Гэта аснова. А далей вам вызначаць ва ўрадзе, як вы размяркуеце гэтыя абавязкі», - растлумачыў Лукашэнка.
Акрамя таго, намеснікам прэм'ер-міністра прызначаны Ігар Петрышэнка, які дагэтуль з'яўляўся паслом Беларусі ў Расеі.
Ён будзе адказваць за сацыяльную сферу - ахову здароўя, адукацыю, культуру, спорт. Міністрам архітэктуры і будаўніцтва прызначаны Дзмітрый Мікуленак. Міністрам прамысловасці - Павел Уцюпін.
«Ведаеце сферу. Вы там, па-мойму, гадоў пяць прапрацавалі. І вельмі добра, што вы папрацавалі і ў Міністэрстве эканомікі. Для вашай будучай працы гэта проста выдатна», - адзначыў дыктатар.
Міністрам сувязі і інфарматызацыі прызначаны Канстанцін Шульган.
«Чалавек дысцыплінаваны, вайсковы, які вельмі добра ведае гэтую сферу, і асабліва перспектыву развіцця, звязаную з інфармацыйнымі тэхналогіямі, стварэннем вялікай удзельнай вагі ў сферы IT», - ахарактарызаваў новага міністра Лукашэнка.
Міністэрства эканомікі ўзначаліць Дзмітрый Круты. «Вельмі б хацелася, каб Міністэрства эканомікі (вы гэтую арганізацыю добра вывучылі) набыло новае дыханне і было прыстасаванае да новых рэалій. Гэта вельмі важна», - сказаў дыктатар.
Нагадаем, пасля візіту ў Воршу Лукашэнка прыстрашваў разагнаць увесь урад, які «пафігістычна ставіцца да яго даручэнняў».