Букмекеры: Менскае «Дынама» выйдзе ў раўнд плей-оф Лігі Еўропы
2- 16.08.2018, 12:47
- 9,214
Букмекерскія канторы ўпэўненыя, што менчукі падолеюць расейскі «Зеніт».
Сёння два беларускія клубы правядуць матчы ў трэцім кваліфікацыйным раўндзе Лігі Еўропы.
Менскае «Дынама» ў гасцях сустрэнецца з «Зенітам». У першай гульні падапечныя Сяргея Гурэнкі распляжылі спаборніка - 4:0. Букмекеры называюць беларусаў відавочным фаварытам двухматчавага супрацьстаяння, піша «Трыбуна».
«Пары-Матч» выставіў такія каціроўкі: вікторыя «Зеніта» - 1,19, нічыя - 7,60, перамога «Дынама» - 13,00. Праход менчукоў памножыць стаўку на 1,13, пецярбуржцаў - на 6,00.
Берасцейскае «Дынама» дома прымае «Апалон». Першая сустрэча закончылася перамогай кіпрыётаў 4:0. Букмекеры не сумняваюцца ў тым, што беларуская каманда закончыць выступ у еўракубках.
«Марафон» прапануе такія каэфіцыенты: перамога «Дынама» - 2,64, нічыя - 3,38, выйгрыш «Апалона» - 2,81. Праход берасцейцаў ацэньваецца на 21,00, стаўкі на праход кіпрыётаў не прымаюцца.
Нагадаем, гульня «Дынама» Берасце - «Апалон» пачнецца а 20.45 паводле беларускага часу, жывая трансляцыя на тэлеканале «Беларусь 5». Матч «Зеніт» - «Дынама» Менск стартуе а 20.00 паводле беларускага часу.