Што рабіць, калі тэрмін дзеяння вашага пашпарта мінуў
8- 16.08.2018, 11:59
- 22,274
Колькі дзейнічае пашпарт?
Аддзяленне грамадзянства і міграцыі Горацкага РАУС нагадвае, што асноўным дакументам, які пацвярджае асобу грамадзяніна, з'яўляецца пашпарт. Кожны грамадзянін Беларусі пасля дасягнення 14 гадоў абавязаны атрымаць дакумент, які пацвярджае асобу, і сачыць за тэрмінам яго дзеяння, піша сайт horki.info.
Колькі дзейнічае пашпарт?
Гэты дакумент выдаюць тэрмінам на дзесяць гадоў. Для дзяцей, якія не дасягнулі ўзросту 14 гадоў, тэрмін дзеяння пашпарта - пяць гадоў. Калі гэтыя тэрмін мінуў, у абавязковым парадку неабходна правесці замену пашпарта.
Звяртаем вашу ўвагу, што пашпарты, атрыманыя да 2012 года тэрмінам дзеяння больш за дзесяць гадоў, па-ранейшаму застаюцца сапраўднымі.
Пратэрмінаваны пашпарт не з'яўляецца дакументам пасведчання асобы. З ім вы не маеце права здзяйсняць якія-небудзь аперацыі, у тым ліку падарожнічаць.
Што патрэбна для абмену?
Працэдура абмену пашпарта з мінулым тэрмінам дзеяння праводзіцца ў падраздзяленні грамадзянства і міграцыі органаў унутраных спраў, а таксама ў арганізацыях, упаўнаважаных на вядзенне пашпартнай працы.
Туды ўладальнік пашпарта павінен прыйсці з наступным пакетам дакументаў:
- заявай;
- пашпарт, якi падлягае абмену;
- чатыры каляровыя фатаграфіі заяўніка, якія адпавядаюць ягонаму ўзросту, памерам 40х50 мм (адным лістом);
- пасведчанне аб нараджэнні заяўніка;
- пасведчанне аб нараджэнні дзіцяці заяўніка - у выпадку, калі заяўнік мае дзіця, якое не дасягнула 18-гадовага ўзросту;
- пасведчанне аб шлюбе - у выпадку, калі заяўнік у шлюбе;
- пасведчанне аб скасаванні шлюбу або копiя пастановы суда аб скасаванні шлюбу - у выпадку скасавання шлюбу заяўнікам;
- пасведчанне аб смерці або копiя пастановы суда аб абвяшчэнні грамадзянiна (грамадзянкі) памерлым (ёй) - у выпадку смерці мужа (жонкі) заяўніка;
дакумент, які пацвярджае ўнясенне платы.
Колькі гэта каштуе?
Выраб новага пашпарта паводле стандартнай працэдуры зойме адзін месяц.
Сума аплаты, якая спаганяецца пры абмене пашпарта, роўная адной базавай адзінцы - на сёння гэта 24,5 руб. Асобам, якія не дасягнулі 14 гадоў пры першасным і паўторных афармленнях, дакумент выдаецца бясплатна. Дадатковая плата спаганяецца з заяўнікаў, якія хочуць аформіць пашпарт у паскораным парадку (15 дзён) - адна базавая адзінка.
Што пагражае за пратэрмінаваны пашпарт?
Грамадзянам, якія забыліся абмяняць свае несапраўдныя пашпарты ці не жадаюць гэтага рабіць з якой-небудзь прычыны, неабходна памятаць пра адказнасць.
У адпаведнасці з часткай 3 артыкула 23.53 КоАП Рэспублікі Беларусь за адсутнасць дакумента або пражыванне з несапраўдным дакументам, якія сведчыць асобу, грамадзяне могуць быць прыцягнуты да адміністрацыйнай адказнасці ў выглядзе папярэджання або штрафу да чатырох базавых адзінак (да 98 руб).