Вызначыўся лёс пітона, якога злавілі ў дзіцячым садку ў Менску
8- 16.08.2018, 10:58
- 17,850
Вужака належала жыхару сталіцы.
На тэрыторыі дзіцячага садка №292 на вуліцы Убарэвіча 15 жніўня поўзаў 4-метровы тыгравы пітон. Пра інцыдэнт паведамілі ў МНС.
Внимание, #минск !!! СМИ - максимальный RT!
— МЧС Минска (@112MINSK) 15 августа 2018 г.
На ул.Уборевича,14 (тер. Ясли-сад №292) отловили тигрового питона( ему около 5 лет, 4 м, 8 кг). С ним все в порядке, его осмотрели. Хозяин, найдись и позвони работнику зоопарка (+375297685959, Алевтина Геннадьевна).Питомец ждёт тебя! pic.twitter.com/bhRLQYwKIx
Тыгравы пітон належыць жыхару Менска. Ён купіў пітона ў заалагічнай краме сталіцы і трымаў дома ў якасці хатняй жывёліны. Цяпер мянчук ужо забраў пітона да сябе, паведамляе belsat.eu.
Прадстаўніца заапарка, куды адвезлі пітона работнікі МНС, сказала belsat.eu, што нічога страшнага ў тым, што адбылося, не было.
«Уцячы можа кожная жывёліна. І сабакі ўцякаюць, і каты, і папугаі ляцяць. Гэта так пішуць у інтэрнэце, што 4-метровы пітон, і таму страшна. Напраўду, гэта не вялікая даўжыня для тыгравых пітонаў. На людзей ён не кідаецца, з такімі пітонамі людзі ў парках фатаграфуюцца. Пагрозы для чалавечага жыцця не было. Вялікі сабака небяспечнейшы для людзей, чым такі пітон», - распавяла Аляўціна.
Са слоў прадстаўніцы заапарка, ніякіх непрыемных інцыдэнтаў з удзелам пітона не адбылося і злавілі яго вельмі хутка.
