Вікторыя Азаранка выбыла з турніру ў Цынцынаці

Беларуска саступіла ў двух сэтах французцы Каралін Гарсія.

Беларуская тэнісістка Вікторыя Азаранка (87 WТА) не здолела прабіцца ў трэцяе кола адзіночнага разраду на турніры ў Цынцынаці. У матчы 1/32 фіналу яна ў двух партыях саступіла французцы Каралін Гарсія (5 WТА) - 4:6, 5:7, паведамляе pressball.by.

К.Гарсія (Францыя) - В.Азаранка (Беларусь) - 6:4, 7:5

У 1/16 фіналу Гарсія можа сустрэцца з яшчэ адной беларускай Арынай Сабаленка (34 WТА), калі тая адолее чэшку Караліну Плішкову (8 WТА).

Раней стала вядома, што арганізатары "US Open" выдалі Азаранцы "уайлд кард", што дазваляе беларусцы пачаць Адкрыты чэмпіянат ЗША ў асноўнай сетцы.